Vogue-ն դադարեցնում է համագործակցությունը Քանյե Ուեսթի հետ

Vogue ամսագիրը խզում է հարաբերությունները ռեփեր Քանյե Ուեսթի հետ՝ հետևելով Balenciaga ապրանքանիշին։ Այս մասին հայտնում է Page Six-ը՝ հղում անելով աղբյուրին։

Vogue-ի ներկայացուցիչը Page Six-ին հայտնել է, որ դադարեցնում են համագործակցությունը Քանյե Ուեսթի հետ: Vogue-ի համաշխարհային խմբագրության տնօրեն և Vogue US-ի գլխավոր խմբագիր Աննա Վինտուրը նման որոշում է կայացրել ռեփերի հակասեմական արտահայտություններից հետո: «Աննան շատ պարզ հասկացրել է Vogue-ին, որ Քանյեն այլևս ներքին շրջապատի մաս չէ», - մեջբերում է ինսայդերի խոսքերը:

Նշվում է, որ մինչ վերջերս Աննա Վինտուրը լավ էր վերաբերվում Քանյե Ուեսթին։ 2009 թվականից սկսած՝ Վինտուրը Ուեսթին հրավիրում էր կոստյումների ինստիտուտի Met Gala-ի ամենամյա պարահանդեսին, իսկ 2014 թվականին ռեփերը և նրա կինը՝ Քիմ Քարդաշյանը հայտնվեցին Vogue US-ի շապիկին։ Երբ Քանյեն վիճեց ամսագրի խմբագիր Գաբրիելլա Կարեֆա-Ջոնսոնի հետ, Աննան փորձեց հաշտեցնել նրանց։

Balenciaga ապրանքանիշը նույնպես նախօրեին խզել է հարաբերությունները ռեփերի հետ։ Մասնավորապես, ջնջվել են նրա լուսանկարները, որոնք արվել են բրենդի վերջին ցուցադրության ժամանակ՝ Փարիզի նորաձեւության շաբաթվա շրջանակներում։ Ապրանքանիշի բուտիկներից, հանրախանութների անկյուններից և առցանց խանութից անհետացել են Քանյե Ուեսթի և Դեմնա Գվասալիայի համագործակցությամբ ստեղծված իրերը:

Այս թեմայով Քիմ Քարդաշյանհայտարարել է, որ իր ամուսնությունը Քանյե Ուեսթի հետ «միակ իրական ամուսնությունն էր» Քիմ Քարդաշյանը պաշտպանում է երեխաներին Քանյե Ուեսթի մասին տեղեկություններից Քիմ Քարդաշյանը հետևում է Քանյե Ուեսթի «դաստիարակության որակին» Իլոն Մասկը հայտնել է՝ ինչու է արգելափակել Քանյե Ուեսթի Twitter-ի էջը Քիմ Քարդաշյանն ու Քանյե Ուեսթը պաշտոնապես ամուսնալուծվել են Քանյե Ուեսթին ծաղրել են Թրամփին առաջարկել եմ ԱՄՆ փոխնախագահի պաշտոնը. Քանյե Ուեսթ Քիմ Քարդաշյանը կարող է ստանալ երեխաների լիարժեք խնամակալությունը Քիմ Քարդաշյանն ու Քանյե Ուեսթը կկիսեն ավելի քան 2 միլիարդ դոլար համատեղ ունեցվածքը Քանյե Ուեսթն իր աջակցությունն է հայտնել սպիտակամորթ հետերոսեքսուալ տղամարդկանց