Բարդ է, ծանր է, փակուղային է, բայց չի կարելի կորցնել բանականությունը, սթափ ու սառը մտածելու ունակությունը. թիկունքում ապագան է, մեր երեխաներն ու թոռները. Ղազինյան

Կամ վազում ես իրականության հետևից, կամ ձևավորում ես այդ իրականությունը, այլ տարբերակ ուղղակի չկա։ Այս մասին ֆեյսբուքում գրել է  ԱԺ նախկին պատգամավոր Արթուր Ղազինյանը․

«Գիտեմ որ ծանր է, բարդ է, բայց պետք է.

Անցյալի քարը ծանր է, մշտապես քաշում է դեպի իրեն, հիշողությունները հանգիստ չեն տալիս, խռովում ու փոթորկում են մարդու հոգին և ձևավորում անցյալը վերադարձնելու, թույլ տված սխալներն ուղղելու կամ կորուստները վերադարձնելու պահանջ:

Սա բնական է, մարդկային, նորմալ, բայց անցյալի քարի ծանրությունն ու ձգողական մեծ ուժը սահմանափակում է իրողություններն ընդունելու, դրանց հետ հաշտվելու և այս պահին ճիշտ որոշումներ կայացնելու հնարավորությունը:

Որքան էլ ցավալի լինի ու ողբերգական լինի իրականությունը, դա փաստ է, որը պետք է ընդունել համարձակ, բաց աչքերով: Մենք պետք է ընդունենք, որ անցյալից շատ ավելի կարևոր է ապագան, որը տեսիլք է թվում, անորոշ ու մշուշոտ է, բայց այն կա և անխուսափելիորեն գալու է, իսկ ապագայում մեր երեխաներն են, ում առջև մենք ստիպված ենք լինելու պատասխան տալ ոչ այնքան անցյալում թույլ տված սխալների, որքան այսօրվա ընդունած որոշումների ու կատարած քայլերի համար, որոնք հաջորդ րոպեին դառնում են անցյալ:

Կամ վազում ես իրականության հետևից, կամ ձևավորում ես այդ իրականությունը, այլ տարբերակ ուղղակի չկա. անցյալի սխալներն ուղղելու և իրավիճակը փոխելու համար պետք է ընդունվելիք որոշումների հիմքում դնել ոչ թե անցյալը հետ բերելու, այլ ապագան առավել, ներկա պայմաններում ամենահնարավոր տարբերակով անվտանգ դարձնելու նպատակը:

Բարդ է, ծանր է, փակուղային է, բայց չի կարելի կորցնել բանականությունը, սթափ ու սառը մտածելու ունակությունը. թիկունքում ապագան է, մեր երեխաներն ու թոռները »

Այս թեմայով Միակողմանի զիջումը սահմանազատում չի կարելի որակել. ո՞վ է ասում, որ չեմ պայքարում. Օնիկ Գասպարյան (տեսանյութ) Մայիսի 26-ին որոշվելու է ՀՀ-ի ապագան, կոչ եմ անում բոլորին լինել հրապարակում. Մամիջանյան (տեսանյութ) Բաքվի հետ դեռ դիրքորոշումների տարբերություն կա, բայց գնում ենք դեպի խաղաղություն. փոխնախարար (տեսանյութ) Կարող ենք հրաժարական տալ, բայց հետո իշխանության կգան ուժեր, որոնք «կուկրաինականացնեն» Վրաստանն ու ՌԴ-ի դեմ 2-րդ ճակատ կբացեն. վարչապետ Ապագա բառը լավ բառ է, բայց կքննարկենք մեր գալիքի տեսլականը․ Սրբազանը՝ կրթության ոլորտի մասնագետներին Խնդիրը ծագել է Տավուշում, բայց լուծումը Երևանում է, մեր Շարժումը հաշտության օրակարգի մասին է (տեսանյութ) Ռայիսիի մահը մեծ կորուստ է, նա իր խոսքի տեր մարդ էր, ում հետ կարելի էր վստահ աշխատել․ Պուտին Այս իշխանությունը իր բոլոր մեղքերը բարդում է շարժման վրա, բայց մեղավորն իրենք են. զոհվածի մայր (տեսանյութ) Վայ ձյուն գա իրենց ծանր հրետանիների գլխին. Բագրատ սրբազանը՝ ՔՊ-ականներին (տեսանյութ) Ձեռքս էր վնասվել քաշքշուքի ժամանակ, բայց արդեն գրեթե անցել է. Արսեն Գրիգորյան