«Ես ապաքինման ճանապարհին եմ»․ Մադոննան առաջին անգամ կապի է դուրս եկել հոսպիտալացումից հետո

Երգչուհի Մադոննան Instagram-ում հրապարակել է գրառում, որում խոսել է հիվանդանոցում գտնվելուց հետո իր առողջության մասին և շնորհակալություն հայտնել երկրպագուներին աջակցության համար։

«Շնորհակալություն դրական էներգիայի, աղոթքների, ապաքինման ու քաջալերանքի խոսքերի համար։ Ես զգացի ձեր սերը: Ես ապաքինման ճանապարհին եմ և աներևակայելի երախտապարտ եմ իմ կյանքի բոլոր օրհնությունների համար»,- նշել է արտիստը։

Նա խոստովանել է, որ առաջինը, ում մասին մտածել է արթնանալուց հետո, երեխաներն ու երկրպագուներն են եղել։

«Ես չէի ուզում հիասթափեցնել նրանց, ովքեր գնել էին իմ շրջագայության տոմսերը։ Ես չէի ուզում հիասթափեցնել այն մարդկանց, ովքեր անխոնջ աշխատել են ինձ հետ վերջին մի քանի ամիսների ընթացքում շոուն ստեղծելու համար: Ես չեմ սիրում որևէ մեկին հիասթափեցնել», - գրել է նա:

Երգչուհու խոսքով՝ ինքն այժմ կենտրոնացած է հոսպիտալացումից հետո ապաքինվելու վրա և որքան հնարավոր է շուտ կվերադառնա բեմ։ Միաժամանակ երգչուհին չի պատմել, թե ինչու է հայտնվել հիվանդանոցում։

Հիշեցնենք, որ հունիսի 28-ին Մադոննային գտել են անգիտակից վիճակում և շտապ տեղափոխել Նյու Յորքի հիվանդանոց:

Այս թեմայով Մադոննան ելույթի ժամանակ ընկել է աթոռից (տեսանյութ) Երկրպագուները դատի են տվել Մադոննային, քանի որ «ստիպված են եղել շուտ արթնանալ» Մադոննայի ընկերուհին պատմել է երգչուհու վիճակի մասին Բժիշկը գնահատել է Մադոննայի ապաքինման հնարավորությունը Երգչուհի Մադոննային գտել են անգիտակից վիճակում Մադոննայի դուստրը ներքնազգեստով կեցվածք է ընդունել ամսագրի համար Հոլիվուդ Հիլզում Մադոննայի նախկին առանձնատունը վաճառվում է 21 մլն դոլարով Ռեփեր Vanilla Ice-ը խոսել է Մադոննայի հետ իր տարօրինակ սիրավեպի մասին Լոպեսն ափսոսանք է հայտնել, որ չի համբուրվել Մադոննայի ու Սփիրսի հետ Մադոննա Հարությունյանը ցուցադրել է իր մարմնի ամենասիրելի հատվածը (լուսանկար)