Կյանքից հեռացել է ԱԳՆ բազմամյա աշխատակից Ռուբեն Շաքարյանը

ԱԳ նախարարությունը Խորը կսկիծով տեղեկացնում է, որ 79 տարեկան հասակում կյանքից հեռացել է ԱԳՆ բազմամյա աշխատակից Ռուբեն Շաքարյանը, ով երկարամյա ծառայությամբ իր ավանդն է ունեցել ՀՀ ԱԳ նախարարությում:

Ռուբեն Շաքարյանը ծնվել է 1944թ. սեպտեմբերի 19-ին, ավարտել է Երևանի պոլիտեխնիկական ինստիտուտի շինարարական ֆակուլտետը:

1976 թվականից աշխատել է մի շարք պետական կառույցներում, այդ թվում որպես Երևանի պոլիտեխնիկական ինստիտուտի արտասահմանյան ուսանողների հետ տարվող աշխատանքների գծով դեկանի տեղակալ, ՀՀ ԳԱԱ նախագահի օգնական արտաքին կապերի գծով, Հայաստանի նախարարների խորհրդի արտաքին կապերի բաժնի ավագ ռեֆերենտ, ՀՀ առևտրաարդյունաբերական պալատի նախագահի տեղակալ, ՀՀ Կառավարության աշխատակազմի արտաքին կապերի վարչության գլխավոր մասնագետ:

1999 թվականից մինչև 2012 թվականը Ռուբեն Շաքարյանը զբաղեցրել է ՀՀ ԱԳՆ գործերի կառավարչի պաշտոնը: 2022թ. զբաղեցրել է ՀՀ ԱԳ նախարարի խորհրդականի, ապա ՀՀ ԱԳՆ գործերի կառավարման վարչության խորհրդականի պաշտոնը:
1999թ. Ռուբեն Շաքարյանին շնորհվել է խորհրդականի դիվանագիտական աստիճան:

2009թ. ՀՀ ԱԳՆ մատուցած ծառայությունների և երկարատև ու բարեխիղճ աշխատանքի համար պարգևատրվել Ջոն Կիրակոսյանի անվան հուշամեդալով:

2018թ Երկարամյա ծառայության ընթացքում ծառայողական պարտականությունները լավագույնս կատարելու համար պարգևատրվել է ՀՀ ԱԳՆ 1-ին աստիճանի Պատվո մեդալով:

Գործընկերների հարգանքը և հարազատների սերը վայելող Ռուբեն Շաքարյանի հիշատակը վառ կմնա մեր հիշողություններում։
Մեր խորին ցավակցությունն ենք հայտնում պարոն Շաքարյանի ընտանիքին և բոլոր նրանց, ովքեր սգում են նրա կորուստը։

Ռուբեն Շաքարյանի հոգեհանգստի արարողությունը տեղի կունենա սեպտեմբերի 6-ին, ժամը 17։00-20:00-ին՝ Նոր Նորքի Սուրբ Սարգիս եկեղեցում, հուղարկավորությունը՝ սեպտեմբերի 7-ին, ժամը 13։00-ին նույն վայրից:

Այս թեմայով Մի հատ դրանց վասմիկանեչնիկ դեմքերին նայեք. Ռուբեն Մխիթարյան Ռուբեն Ռուբինյանը գերմանացի պատգամավորներին ներկայացրել է անվտանգային իրավիճակը Հարավային Կովկասում Կիրանցում սահմանազատող սյունը տեղադրվեց գյուղի մեջ (տեսանյութ) Ռուբեն Մելքոնյանը թուրքագետների գրած գիրքը նվիրեց Բագրատ Սրբազանին (տեսանյութ) Ադրբեջանում Ռուբեն Վարդանյանի ապօրինի կալանքը 5 ամսով երկարաձգվեց Բաքվի դատարանը քննում է Ռուբեն Վարդանյանի ապօրինի կալանքի երկարաձգման հարցը Պատկերացրեք, թե ի՞նչ են խոսում ոստիկաններն իրար մեջ իրենց պետության ղեկավարի մասին․ Ռուբեն Մխիթարյան «Ժողովու'րդ, «Նիկո'լ հեռացիր» չկա, հեռացել է այդ մարդը, դուք դրականից խոսեք». Բագրատ Սրբազան (տեսանյութ) Ինձ ոչ մեկ չի կարող ցուցում տալ, որ դասադուլ արգելեմ, ուսանողներն ազատ են. Ռուբեն Մելքոնյան Ինքնաբացարկի մեջ տրամաբանություն կար. Ռուբեն Մելիքյան (տեսանյութ)