Փաշինյանի իսպանական ֆիասկոն. նոր վտանգներ Հայաստանի համար՝ Գրանադայից հետո

Նիկոլ Փաշինյանաը երեկ Գրանադայում ստորագրել է հռչակագիր, որում Ադրբեջանի տարածքը ճանաչել է 86.600 քկմ, որը ներառում է նաև Լեռնային Ղարաբաղը, հայտնել է ԵՄ խորհուրդը: Ստորագրած հայտարարությունը բավական ընդարձակ է: Փաստացի սա այսպես կոչված՝ անկլավների հանձման հերթական իրավական մասի ապահովումն է, քանի որ, ըստ հայտարարության, Ադրբեջանի հետ սահմանազատման հիմքում պետք է ընկած լինի ԽՍՀՄ գլխավոր շտաբի վերջին քարտեզները:

Ընդ որում, Գրանադա մեկնելուց շաբաթներ առաջ Փաշինյանը վստահեցնում էր, որ ոչինչ ստորագրել չի պատրաստվում։

Իսկ ընդամենը օրեր առաջ էլ պարզվում է, որ Գրանադայում շրջադարձային պայմանագիր ստորագրելու հնարավորություն կար։

Սա միակ հակասությունը չէ: Գրանադայում ստորագրված հռչակագրից հետո ՔՊ-ականները, մեկը մյուսին հերթ չզիջելով, փորձում են ապացուցել, որ անկլավների հարց չի քննարկվել, և անկլավները չեն մտնում  86.600 քկմ -ի մեջ: Մինչդեռ ինքը՝ Փաշինյանը, հայտարարել է, որ անկլավները մտնում են նշված տարածքների մեջ։

Սա մի դեպքում, երբ ամիսներ առաջ էլ ինքը՝ Փաշինյանը, խիստ կասկածում էր, որ անկլավները վերադարձնելու իրավական հիմքեր կան: Փաստորեն, իսպանական կիզիչ արևը ցրել է վերջինիս կասկածներն այս հարցում։

Արդյունքում՝ ստացվում է, որ Գրանադայի հանդիպումից հետո ՔՊ-ականները փորձում են փափուկ բարձ դնել հանրության գլխի տակ՝ այդ հանդիպման արդյունքները ներկայացնելով իբրև հաղթանակ: Սակայն հարց է առաջանում՝ իսկ ինչո՞ւմ է կայանում այդ հաղթանակը, եթե հայկական կողմը միակողմանի ճանաչել է Արցախը Ադրբեջանի կազմում, դեռ մի բան էլ զիջել է 7 գյուղ և Տիգրանաշենը՝ զրկվելով Իրանի և Վրաստանի հետ ցամաքային կապից: Ալիևը, հիշեցնենք, որ չէր էլ մեկնել Գրանադա, հետևաբար նա Հայաստանի 29,800 քկմ-ն չի ճանաչել, ինչն էլ վերջինիս նորից պատերազմ սկսելու լեգիտիմ հիմք է ընձեռելու: Եվ դեռ հարց է՝ իսկ ինչպե՞ս է Փաշինյանը պատրաստվում վերադարձնել այսպես կոչված՝ անկլավները Բաքվին: Պարզից էլ պարզ է, որ թղթի վրա ցանկացած որոշում հղի է վերջինիս համար ներքաղաքական ճգնաժամներով, հանձնվող համայնքների բնակիչները որքան էլ որ ընտրել են ՔՊ-ին, դժվար թե սեփական տներից հեռանալը մտնում էր նրանց պլանների մեջ: Ստացվում է, որ այս անգամ էլ միակ մեղավորն ու պատասխանատուն չդառնալու համար Փաշինյանը կարող է այդ անկլավները զիջել մինի պատերազմի արդյունքում: Այնուհետև կհայտարարի, որ փրկել է 2 միլիոն մարդու կյանք: Առավել ևս, որ կարող է աշխատել նույն արցախյան սցենարը: Փաշինյանը, ճանաչելով Արցախը Ադրբեջանի մաս, ձեռքերը լվաց և որևէ կերպ չխոչընդոտեց Արցախի դեմ ռազմական ագրեսիա իրականացնելու Բաքվի պլաններին: Այժմ էլ նա թղթի վրա միակողմանիորեն զիջում է անկլավները, պարզ է, որ Բաքուն այս անգամ էլ կարող է հայտարարել՝ մեր տարածքներն են, ինչ ուզում ՝ անում ենք և զորքեր մտցնել այս անգամ օրինակ՝ Տիգրանաշեն: Կկռվի Փաշինյանը Տիգրանաշենի համար, թե վերջինիս սպասվում է Սև լճի ճակատագիրը՝ ցույց կտա ժամանակը:

Այս թեմայով Ամերիկացի սենատոր Ռոջեր Ուիքերն հանդիպում է Նիկոլ Փաշինյանի հետ (տեսանյութ) Մանթաշյան-Նժդեհ փողոցների խաչմերուկի մոտ Նիկոլ Փաշինյանի ավտոշարասյունը վրաերթի էր ենթարկում հերթական քաղաքացուն, մի կերպ փրկվեց․ Րաֆֆի Ասլանյան Նոր Սահմանադրության ընդունումն ու ԱԺ ընտրությունները պետք չէ համատեղել. Նիկոլ Փաշինյան Ինչի՞ է ՀՀ-ում քրեական ենթամշակույթն այդքան պոպուլյար, ինչի՞ են մտածում արդարություն չկա․ Փաշինյան (տեսանյութ) Հայաստանը ԵՄ-ին անդամակցելու համար հանրաքվե չի անցկացնի․ Նիկոլ Փաշինյանը պարզաբանել է՝ ինչու Եթե ժողովուրդն ուզենա անել իշխանափոխություն, կանի, ոչ ոք չի կարող դեմն առնել. Նիկոլ Փաշինյան Կանանց պոտենցիալը մենք դռների հետևում կողպել ենք․ Փաշինյան (տեսանյութ) Որովհետև նախորդ օրը շատ ենք խմած լինում, հաջորդ օրը մոռանում ենք. Նիկոլ Փաշինյան (տեսանյութ) Նիկոլ Փաշինյանը չի ճանաչել Արցախն Ադրբեջանի կազմում. Արամ Սարգսյանի կուսակից թաղապետ (տեսանյութ) Նիկոլ Փաշինյանն ընդունել է Հայաստանում Բրազիլիայի դեսպանին