Տիգրան Ավինյանի կացնային որոշումը. հոնքը սարքելու փոխարեն՝ աչքը հանել. «Մայր Հայաստան» խմբակցություն

Նոյեմբերի 13-ից ուժի մեջ է մտել Տիգրան Ավինյանի այն որոշումը, համաձայն որի՝ 2,5 տոննա և ավելի քաշ ունեցող բեռնատարները Երևանի փոքր կենտրոն (Խանջյանից մինչև Սարյան և Գրիգոր Լուսավորչից մինչև Կորյուն հատվածներում, որը ներառում է շուրջ 40 փողոց) կարող են մտնել երեկոյան ժամը 21։00-ից մինչև առավոտյան 07։00-ը։

Ոստիկանությունն այս կարգը խախտողներին կտուգանի 5.000 դրամով: Այս մասին հայտարարություն է տարածել Երևանի ավագանու «Մայր Հայաստան» խմբակցությունը:

Հայտարարությունում նաեւ ասվում է. «Քաղաքապետարանն այս քայլին գնացել է Երևանի կենտրոնն, իբր, բեռնաթափելու և խցանումների դեմն առնելու համար, սակայն արդյունքը զրոյական է կամ ավելի վատը: Փոխարենը կան դժգոհություններ և՛ տնտեսվարողներից, և՛ վարորդներից, քանզի տնտեսվարողների համար հսկայական խնդիրներ են առաջացել, իսկ խցանումներն առնվազն չեն պակասել, իսկ որոշ տեղերում նույնիսկ ավելացել են: Ասել է թե՝ քաղաքապետարանը հոնքը սարքելու փոխարեն աչքն է հանել:

Այն, որ մայրաքաղաքի կենտրոնը պետք է բեռնաթափել և խցանումների դեմն առնել, երկրորդ կարծիք չկա: Բայց դա համալիր լուծում է պահանջում: Ինչպես որ միայն ավտոբուսներ գնելով տրանսպորտային խնդիրը չի լուծվի, այնպես էլ բեռնատարների մուտքը Երևանի կենտրոն որոշակի ժամերի արգելելով խցանման հարցը չի լուծվի:

«Մայր Հայաստան» խմբակցությունը բազմաթիվ ահազանգեր է ստացել տնտեսվարողներից, որոնք հիմնավոր փաստարկներ են ներկայացնում ժամային սահմանափակումների ու հապճեպ կայացրած որոշման դեմ:

Մեր դաշինքը նախընտրական փուլում խոսել է մայրաքաղաքում բեռնատարների ժամային կարգավորումների մասին, բայց մենք առաջարկում էինք նախ լուծել վերգետնյա ու ստորգետնյա ավտոկայանատեղիների խնդիրը, կարգավորել լոգիստիկ կենտրոններ ստեղծելու հարցերը, ապա նոր միայն անցնել խցանման դեմ իրականացվող մյուս միջոցառումներին:

Բիզնես դաշտին պետք է տալ ժամանակ, որպեսզի նրանք կարողանան բեռնատար ավտոպարկերը թարմացնել: Ցանկացած նմանատիպ որոշում պետք է կայացնել տնտեսվարողների հետ քննարկումների ու ընդհանուր հայտարարի գալու դեպքում: Իսկ հիմա տուժում են առաքումներ իրականացնող տնտեսվարողները, բարձրանում է միավոր ապրանքի ինքնարժեքը, տուժում է սպառողը, խցանումներն էլ պակասելու փոխարեն ավելանում են:

Մենք առաջարկում ենք՝

վերանայել ժամային սահմանափակումներ նախատեսող քաղաքապետարանի որոշումը՝ վերադառնալով մինչև նոյեմբերի 13-ը գործող կարգին կամ կրճատել ժամային սահմանափակումները (օրինակ՝ թույլ տալ բեռնատարներին Կենտրոնի նշյալ փողոցներ մուտք գործել նաև ժամը 12:00-ից մինչև 16:00), մինչև շահագրգիռ կողմերի հետ քննարկումներով օպտիմալ որոշում կայացնելը,

չեղարկել ոստիկանության կողմից կիրառված վարչական տուգանքները բեռնատարների վարորդների նկատմամբ:

Այս թեմայով Մայր Աթոռ Սուրբ Էջմիածնից 1-ին անգամ Սուրբ Ստեփանոս եկեղեցի կբերվի Ստեփանոս Նախավկայի Մասունքը Տիգրան Ավինյանը կմասնակցի Մայր Տաճարի վերաօծմանը․ MediaHub.am 731 կիսատ մնացած օր ու 731 անվերջ հոսող արցունքներ. հերոս Տիգրան Շահբարյանի հարազատները տեսանյութ են հրապարակել Բացահայտվել է Իրանից Հայաստան շուրջ 31կգ թմրամիջոցի խմբաքանակի մաքսանենգության դեպք. 1 անձ կալանավորվել է ԱԽ քարտուղարն ադրբեջանական թեզեր է առաջ մղում՝ առիթը բաց չթողնելով հակառուսական ձևակերպումներ անելու. Տիգրան Աբրահամյան Փաշինյանը 2022 թ.-ին, Ադրբեջանի օրինակով, արգելեց իմ մուտքը Հայաստան. Զատուլին «ՔՊ-ն պատվից վեր համարեց անգամ հարգել նահատակների հիշատակը, որոնք զոհվեցին Արցախում մեկ տարի առաջ».Տիգրան Աբրահամյան (տեսանյութ) Մայր Տաճարը՝ ՅՈՒՆԵՍԿՕ-ի համաշխարհային ժառանգության ցանկում Գորիսում ուխտավորների թափորը կշարժվի Սուրբ Գրիգոր Լուսավորիչ առաջնորդանիստ մայր եկեղեցի Արարատի և Լոռու մարզերում կրթահամալիր կկառուցվի. որոշումը կառավարության օրակարգում է