Թբիլիսիում ձերբակալվել է նախկին պետնախարարը

Վրաստանի եվրոպական և եվրատլանտյան կառույցներին ինտեգրման հարցերով նախկին պետնախարար Ալեքսի Պետրիաշվիլիին ոստիկանությունը վարչական կարգով բերման է ենթարկել «Օտարերկրյա գործակալների մասին» օրինագծի դեմ Թբիլիսիում տեղի ունեցած ցույցի ժամանակ։ Այս մասին հայտնում է ТАСС-ը՝ Վրաստանի ՆԳՆ մամուլի ծառայությանը հղումով։

Նրանք ընդգծել են, որ Պետրիաշվիլին վարչական կալանքի է ենթարկվել ոստիկանությանը չենթարկվելու և մանր խուլիգանության համար։

Մինչ այս հայտնի էր դարձել, որ վրացական ոստիկանությունը Թբիլիսիի կենտրոնում արցունքաբեր գազ է կիրառել ցուցարարների դեմ։

Ավելի վաղ, ինչպես հայտնել ենք, խորհրդարանի դիմաց հայտնվել են հատուկ ջոկատայիններ՝ սաղավարտներով, հակագազերով և վահաններով։ Դիտարկվել է նաև հատուկ տեխնիկա, այդ թվում՝ ջրցան մեքենաներ։

Վրաստանի ՆԳՆ-ն հաստատել է հատուկ միջոցների կիրառումը և ցուցարարներին կոչ է արել չխախտել հասարակական կարգը և ենթարկվել ոստիկանության օրինական պահանջներին։

Ինչպես հայտնել ենք, Թբիլիսիում վերսկսվել են «Օտարերկրյա գործակալների մասին» օրենքի դեմ ցույցերը։  Վրաստանի ոչ կառավարական կազմակերպությունների, ընդդիմադիր կուսակցությունների անդամներն ու շարքային քաղաքացիները Թբիլիսիի կենտրոնում ցույց են անցկացնում՝ ընդդեմ «Օտարերկրյա գործակալների մասին» օրենքի։

Ապրիլի 28-ին իշխող «Վրացական երազանք» կուսակցության գործադիր քարտուղար, խորհրդարանական մեծամասնության առաջնորդ Մամուկա Մդինարաձեն ասել է, որ չի վախենում իր դեմ ամերիկյան պատժամիջոցների հնարավոր սահմանումից՝ իր նախաձեռնած օտարերկրյա գործակալների մասին օրենքի պատճառով։

Այս թեմայով Ներկայացվել է կալանավորման միջնորդություն․ ինչի՞ համար է կալանքի տակ գտնվում Հրաչյա Ղևոնդյանը Տո իրենց մեջ էլ նախկին ՀՅԴ-ական կա, էլ լևոնական, էլ կոմունիստ. էս «նախկին» բառն ա մեր տունը քանդում Ժամանակին կհանդիպեմ բոլորի հետ. Սրբազանը՝ նախկին նախագահների մասին (տեսանյութ) Սրբազանը պետք է երաշխիքներ տա, որ նախկին ռեժիմների վերարտադրություն չի լինի. Էդմոն Մարուքյան (տեսանյութ) Ողբերգության մեղավորներից մեկը ԱՄՆ-ն է. Իրանի նախկին ԱԳ նախարար Ինչո՞ւ հանկարծ նախկին գլխավոր դատախազ Արթուր Դավթյանը խոսեց Նիկոլ Փաշինյանի հրաժարականի մասին Ես ևս գտնում եմ, որ ՀՀ գործող վարչապետը պետք է հեռանա․ նախկին դատախազ Նախկին գլխավոր դատախազ Արթուր Դավթյանը մասնակցում է Բագրատ Սրբազանի հետ հանդիպմանը (տեսանյութ) ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ» Մայիսի 19-ին Թբիլիսիում կանցկացվի ավանդական դարձած Վարդատոնը