Լիտվայի ոստիկանությունը կաջակցի ՀՀ Քրեական ոստիկանության ծառայողների կրթության և վերապատրաստման աշխատանքներին

ՆԳ նախարարությունում ընթացող բարեփոխումների կարևոր ուղղություններից է համակարգը բարձրակարգ, ժամանակի պահանջներին համապատասխան կադրերով համալրելը, ինչպես նաև նախարարության ծառայողներին շարունակական որակյալ կրթությամբ և անհրաժեշտ հմտություններով ապահովելը:

«Այսպիսով՝ Քրեական ոստիկանության մասնագիտացված ծառայության ձևավորման շրջանակում արդեն իսկ անցկացվել են հարցազրույցներ, որոնք հաղթահարած թեկնածուները այժմ ՆԳՆ կրթահամալիրում անցնում են վերապատրաստում՝ ձեռք բերելու լրացուցիչ մասնագիտական գիտելիքներ և կարողություններ՝ Քրեական ոստիկանությունում ծառայությունը պատշաճ իրականացնելու համար։

ՆԳ նախարարությունը ձեռնարկում է բոլոր անհրաժեշտ միջոցառումները, որ վերապատրաստումն անցնելուց հետո Քրեական ոստիկանության ծառայողները ձեռք բերած մասնագիտական գիտելիքների շնորհիվ ծառայությունում ապահովեն նոր որակ: Քրեական ոստիկանության համար պրոֆեսիոնալ կադրեր պատրաստելու այս պատասխանատու փուլի շրջանակներում ՆԳ նախարարությունը կարևորում է նաև միջազգային փորձի ուսումնասիրությունը և միջազգային լավագույն փորձի ներդրումը ՆԳՆ ոստիկանությունում։

Միջազգային փորձի ուսումնասիրման նպատակով ՆԳՆ մի շարք ծառայողներ աշխատանքային այցով մեկնել էին Լիտվայի Հանրապետություն: ԵՄ «Աջակցություն Հայաստանում իրավապահ մարմինների և անվտանգության ոլորտի բարեփոխումներին» ծրագրի շրջանակներում մայիսի 6-10-ը ճանաչողական այցով Լիտվայի Հանրապետության ՆԳՆ քրեական ոստիկանություն մեկնած ՆԳՆ պատվիրակությունը ծանոթացել է Լիտվայի Հանրապետության Քրեական ոստիկանության կառուցվածքին և հիմնական գործառույթներին, Լիտվայում ոստիկանների կրթության և վերապատրաստման անցկացման համակարգին, Քրեական ոստիկանության կողմից տվյալների մշակման և վերլուծության տեխնիկական համակարգերին և մեթոդներին և այլն։

Այցի ընթացքում պատվիրակությունը և Լիտվայի ոստիկանությունը պայմանավորվածություն են ձեռք բերել հանցագործությունների ռազմավարական և մարտավարական վերլուծության, օպերատիվ կառավարման, կիբերհանցագործությունների բացահայտման, պարեկային ծառայության և քրեական ոստիկանության աշխատակիցների պատրաստման և վերապատրաստման ոլորտներում խորացնելու համագործակցությունը:

Մասնավորապես, ՆԳՆ կրթահամալիրում կազմակերպվելու են Լիտվայի Քրեական ոստիկանության մի շարք փորձագետների կողմից դասախոսություններ և վերապատրաստումներ՝ Քրեական ոստիկանության ապագա ծառայողների համար անցկացվող կրթական ծրագրի շրջանակներում»,- ասված է ՆԳՆ-ի տարածած հաղորդագրության մեջ։

Այս թեմայով Հայաստանում կձևավորվի Ոստիկանության գվարդիա. ինչ գործառույթ կիրականացնեն ծառայողները Մի շարք կազմակերպությունների մուտքերը տեսահսկելու պահանջ կսահմանվի. Ոստիկանությունը 24/7 ռեժիմով հասանելիություն կունենա Լոռու մարզպետն այցեր է կատարում աղետի գոտու բնակավայրեր և հետևում կատարվող աշխատանքներին Գազի լցակայանում տեղի ունեցած պայթյունի դեպքի առթիվ նախաձեռնվել է քրեական վարույթ ՀՀ ԿԳՄՍ փոխնախարարը ԵԽ գրասենյակի ներկայացուցիչների հետ քննարկել է ազգային փոքրամասնությունների կրթության հարցեր Տեսագրությունում պատկերված անձինք որոնվում են նախաձեռնված քրեական վարույթի շրջանակներում Շնորհակալություն դժվարին պահին ձեր շարունակական աջակցության համար․ Փաշինյանը՝ Լիտվայի կառավարությանը Գրիգոր Մինասյանը «Սևան» ՔԿՀ-ում ծանոթացել է ազատազրկված անձանց պահման պայմանների բարելավման աշխատանքներին Սանահին կայարան բնակավայրի հետ հետիոտնային կապը վերականգնվել է ԱԳՆ-ի դիմաց ակցիայի ընթացքում խուլիգանություն համար քրեական հետապնդում է հարուցվել 5 անձի նկատմամբ