Ինչ իրավիճակ է աղետի գոտում. նախարարին զեկուցվել է հանձնարարականների կատարման արդյունքը

Այսօր կայացել է օպերատիվ շտաբի ընդլայնված կազմով հերթական նիստը։ Նախարարին զեկուցվել են օրվա անելիքները և առավոտյան տրված հանձնարարականների կատարման արդյունքը։ Այս մասին տեղեկացնում են Հայկական միասնական տեղեկատվական կենտրոնից:

«ՆԳՆ փրկարար ծառայության տնօրեն Կամո Ցուցուլյանը տեղեկացրել է, որ Թումանյան փողոցի մաքրման աշխատանքները 90 տոկոսով ավարտվել են։ Մնացած հատվածներում աշխատանքները մեծ ինտենսիվությամբ շարունակվում են։

Էկոնոմիկայի փոխնախարար Արման Խոջոյանը զեկուցել է անասնահամաճարակային իրավիճակի բացառման և կառավարման ուղղությամբ կատարվող աշխատանքների մասին:

Առողջապահության փոխնախարար Լևոն Հակոբյանն էլ զեկուցել է բնակիչներին անհրաժեշտ դեղորայքով ապահովելու և առողջապահական բլոկով տարվող աշխատանքները։

Ներկայացվել է նաև վնասների գույքագրման աշխատանքների ընթացքը։

Նախարար Սանոսյանը շտաբի անդամներին տեղեկացրել է Մ6 միջպետական մայրուղու որոշ հատվածներ անցանելի դարձնելու, ինչպես նաև երկաթուղու աշխատանքը մինչև Այրում կայարան և այնտեղից արդեն բեռնատարներով բեռը տեղափոխելու ուղղությամբ տարվող աշխատանքների վերաբերյալ։

Նախարարը նշել է, որ սննդի և ջրի կարիք չկա։ Կան բավարար պաշարներ, որոնք, ըստ կարիքի, բաշխվում են բնակիչներին։

Նախարարին են ներկայացվել նաև կամավորների աշխատանքի արդյունքները։

Քննարկվել են ընթացիկ աշխատանքային մի շարք հարցեր ևս։

Նախարարի կողմից տրվել են նոր հանձնարարականներ»,- ասված է հաղորդագրության մեջ։

Այս թեմայով Լեհաստանում հայտարարվել է տարերային աղետի դրություն (լուսանկարներ) Արտակարգ իրավիճակ՝ Երևան-Աշտարակ ճանապարհին․ խցանումը հասնում է մոտ 3 կմ-ի «Հայաստանը 1 մլն բնակչի հաշվով ավտոպատահարների մահացության ցուցանիշով գտնվում է շատ բարձր ռիսկային գոտում». ՄԱԿ-ի պաշտոնյա Փաշինյանը քննարկել է ՔՊ զարգացման ռազմավարության կատարման ընթացքը Սուրենյանց. Փաշինյանը դարձել է ազգային աղետի հոմանիշ Անկանխիկ գործարքների առումով քաոսային իրավիճակ է. «Փաստ» Արարատ Միրզոյանը շնորհավորել է Ուկրաինայի նորանշանակ ԱԳ նախարարին «Լռե՛ք ու լսե՛ք», «Ձեր չափերն անցնում եք, ես հանգիստ եմ», «Ինձ մի ընդհատեք». լարված իրավիճակ՝ ԱԺ-ում (տեսանյութ) Քննարկվել են Հայաստանի կողմից ՄԻԵԴ վճիռների կատարման ընթացքը և այդ ուղղությամբ ձեռնարկվող միջոցները Ինչ իրավիճակ է ՀՀ ավտոճանապարհներին