Հիմնանորոգվում է Ապարան-Լուսագյուղ ճանապարհի մի հատվածը

ՀՀ պետական բյուջեի միջոցներով հիմնանորոգվում է Տ-1-44, /Մ-3/ (Ապարան) - Լուսագյուղ ավտոճանապարհի կմ0+000-կմ3+000 հատվածը։ Մոտ 3կմ երկարություն ունեցող նորոգվող ճանապարհը սկսվում է Ապարան քաղաքից և տանում դեպի Լուսագյուղ բնակավայր։ Շինարարությունն իրականացնում է «Լիլիթ-87» ՍՊԸ-ն։

Կազմակերպության տեխնիկ-շինարար Խաչիկ Պետրոսյանը‚ ներկայացնելով կատարված աշխատանքները‚ նշում է‚ որ շինտեղամասում իրականացվել են հողային աշխատանքներ‚ որից հետո երթևեկելի մասում տեղադրվել է ավազակոպիճ‚ տեղադրվում են մայթերի եզրաքարերը‚ կառուցվում են մայթերթ‚ ճանապարհին առկա կամուրջներից մեկի նորոգումն ավարտել են‚ նորոգում են երկրորդ կամուրջը։

Կառուցվել է ջրահեռացման համակարգը‚ տեղադրվելու է եռաշերտ ասֆալտբետոնե ծածկ‚ ընդ որում‚ ճանապարհի մոտ 2կմ հատվածն արդեն իսկ պատված է մեկ շերտ ասֆալտբետոնե ծածկով։

Շինարարության ավարտը նախատեսված է մինչև ընթացիկ տարվա վերջ։

Ապարանի բնակիչները նշում են‚ որ մինչ նորոգումը ճանապարհը վատ վիճակում էր‚ շինարարության պատճառած ժամանակավոր դժվարություններին էլ կդիմանան‚ քանի որ գիտեն‚ որ մի քանի ամսից արդեն կունենան բարեկարգ ճանապարհ։

Այս թեմայով Փլուզվել է Խոտ-Որոտան այլընտրանքային ճանապարհի մի հատվածը Աշտարակ-Ապարան ճանապարհին մեքենաներ են բախվել. տուժածի վիճակը ծանր է Գնել Սանոսյանը ծանոթացել է Կիրանցի նոր կառուցվող ճանապարհի և կամրջի շինարարության ընթացքին Մեկ ամիս գիշերային ժամերին փակ կլինի Երևանի Արմենակյան փողոցի մի հատվածը Պետդեպի տեղակալները եկել են հետևելու, որ Փաշինյանը Սյունիքի ճանապարհի մասին տված խոստումը կատարի (տեսանյութ) Ո'չ ուրացող, ո'չ դավաճանող եմ ձեզ, մեր ճանապարհի նշակետը մեկն է` այս ստախոսին հեռացնելն ու հաղթելը. Սրբազան (տեսանյութ) Մոսկվան, Թեհրանը և Բաքուն աշխատանքային խումբ կստեղծեն Հյուսիս-Հարավ ճանապարհի համար Մյասնիկյան պողոտայում «BMW X5»-ը բախվել է աղբամաններին և մասամբ հայտնվել ճանապարհի երթևեկելի գոտում Գորիս-Կապանի այլընտրանքային՝ դեպի Բարձրավան, Շուռնուխ, Որոտան տանող ճանապարհի մի մասը փլուզվել է Հունիսի 11-ից հուլիսի 1-ը Դ. Բեկի- Հ. Ավետիսյան և Վիլնյուս փողոցների հատվածը երեկոյան ժամերին փակ կլինի