Հայ պատանի ծանրամարտիկները 2 ոսկե, 1 արծաթե և 5 բրոնզե մեդալ են նվաճել Եվրոպայի առաջնությունում

Հայաստանի ծանրամարտի պատանեկան հավաքականն ավագ մարզիչ Երվանդ Կիրակոսյանի գլխավորությամբ 2 ոսկե, 1 արծաթե և 5 բրոնզե մեդալ է նվաճել Հունաստանում անցկացված Մ17 տարեկանների Եվրոպայի առաջնությունում:

Չեմպիոնի կոչմանն արժանացել են Հովհաննես Հովհաննիսյանն ու Վալերիկ Մովսիսյանը:

61 կգ քաշային Հովհաննես Հովհաննիսյանը ոսկե մեդալ է նվաճել երկամարտի 234 կգ արդյունքով (107+127 կգ): Առանձին վարժություններում ևս Հովհաննիսյանն արժանացել է փոքր ոսկե մեդալներին:

86 կգ քաշային Վալերիկ Մովսիսյանը երկամարտի 301 կգ (140+161 կգ) արդյունքով է նվաճել չեմպիոնությունը: Մովսիսյանը նաև երկու փոքր ոսկե մեդալ է նվաճել:

Հայաստանի մյուս ներկայացուցիչ, 96 կգ քաշային Գրիգոր Ղազարյանը երկամարտի 306 կգ արդյունքով դարձել է արծաթե մեդալակիր։ Պոկում վարժությունում Ղազարյանը բարձրացրել է 138 կգ կշռող ծանրաձողը և արժանացել փոքր բրոնզե մեդալի։ Հրում վարժությունում Ղազարյանը ցույց է տվել 168 կգ արդյունք և նվաճել փոքր արծաթե մեդալ։

Տղաների պայքարում պատվո հարթակի երրորդ աստիճանին են կանգնել Նարեկ Գրիգորյանը, Վոլոդյա Սարգսյանը և Աշոտ Գասպարյանը:

67 կգ քաշային Նարեկ Գրիգորյանը բրոնզե մեդալ է նվաճել երկամարտի 264 կգ արդյունքով (119+145 կգ)։ 55 կգ քաշային Վոլոդյա Սարգսյանը երկամարտում ցույց է տվել 217 կգ արդյունք (95+122 կգ), իսկ 81 կգ քաշային Աշոտ Գասպարյանը՝ 288 կգ (129+159 կգ):

Աղջիկների պայքարում բրոնզե մեդալներ են նվաճել Քրիստինե Բաբայանը (40 կգ) և Մերի Միսակյանը (64 կգ):

Այս թեմայով Ըմբիշ Գագիկ Ղազարյանը 10։0 հաշվով հաղթանակ է տարել և դուրս եկել Եվրոպայի առաջնության եզրափակիչ փուլ Հայաստանի շախմատի պատանեկան հավաքականի անդամ Էմին Օհանյանը արժանացել է անհատական ոսկե մեդալի Պատանի հունահռոմեականները 1 ոսկե, 3 արծաթե և 1 բրոնզե մեդալ են նվաճել Եվրոպայի Մ17 առաջնությունում Հայաստանը դարձել է Եվրոպայի մինչև 18 տարեկանների թիմային առաջնության փոխչեմպիոն Լյովա Սրապյանը՝ ձյուդոյի մինչև 17 տարեկանների Եվրոպայի առաջնության բրոնզե մեդալակիր Հայաստանի թիմը դարձավ Շախմատի Եվրոպայի մինչև 18 տարեկանների թիմային առաջնության փոխչեմպիոն Պատանի հունահռոմեականները 1 ոսկե, 3 արծաթե և 1 բրոնզե մեդալ են նվաճել Եվրոպայի Մ17 առաջնությունում «Ոսկե ծիրան»-ը հրաժարվել է կարմիր գորգի գաղափարից Հայաստանի դիրքը չափազանց կարևոր է, քանի որ այն գտնվում է Եվրոպայի և Արևելքի միջև. Հնդկաստանի ԱԳ նախարար Ըմբշամարտի Մ17 ԵԱ. Սեյրան Կիրակոսյանը՝ արծաթե, Նարեկ Գրիգորյանը՝ բրոնզե մեդալակիր