Ադրբեջանցի թեկնածուն առաջատա՞ր է Իրանի նախագահական մրցապայքարում

Առողջապահության նախկին նախարար Մասուդ Փեզեշկիանը, ով պատկանում է բարեփոխականների ճամբարին, առաջատարն է Իրանի նախագահի վեց հավանական թեկնածուների թվում։

Ինչպես հաղորդում է Tasnim գործակալությունը, դա հետեւում է իրանական Mellat, ISPA եւ Shenaakht վերլուծական կենտրոնների կողմից անցկացված սոցհարցումների արդյունքներից։

Նախագահի պաշտոնի համար պայքարի մեջ են մտել 6 քաղաքական գործիչներ, որոնց թեկնածությունը հաստատել է Իրանի Սահմանադրության պահապանների խորհուրդը: Նրանց թվում են խորհրդարանի նախագահ Մոհամմադ Բաղեր Ղալիբաֆը, Թեհրանի քաղաքապետ Ալիռեզա Զաքանին, հանրապետության Անվտանգության խորհրդում հոգևոր առաջնորդի ներկայացուցիչ Սաիդ Ջալիլին, ներքին գործերի և արդարադատության նախարարությունների նախկին ղեկավար Մոսթաֆա Փուրմոհամմադին, փոխնախագահ Ամիր Հոսեյն Ղազիզադե Հաշեմին և առողջապահության նախկին նախարար Մասուդ Պեզեշկիանը:

Մեջլիսի (Խորհրդարանի) հետազոտական կենտրոնի հասարակական կարծիքի հարցումների «Մելլաթ» ինստիտուտը հունիսի 22-ից 24-ը հարցում է անցկացրել 1,1 հազար հարցվածների շրջանում: Հետազոտության արդյունքների համաձայն՝ հարցվածների 23,5%-ը կնախընտրեր Փեզեշկիանին, 16,9%-ը՝ Ղալիբաֆին, իսկ 16,3%-ը՝ Ջալիլիին։ Հարցվածների 45,7%-ն ասել է, որ անպայման մասնակցելու է ընտրություններին։

ISPA սոցիալական գործակալության կողմից 4 հազար իրանցիների շրջանում անցկացված հարցման արդյունքների համաձայն՝ Պեզեշկիանի օգտին կքվեարկեր հարցվածների 24,4 տոկոսը, Ջալիլիի օգտին՝ 24 տոկոսը, Ղալիբաֆի օգտին՝ 14,7 տոկոսը։ Նրանցից ընտրատեղամասեր գնալու պատրաստակամություն է հայտնել 43,9%-ը։

«Շենախտ» վերլուծական կենտրոնի հարցման արդյունքների համաձայն՝ Պեզեշկիանի օգտին պատրաստ է քվեարկել հարցվածների 28 տոկոսը։ Լավագույն եռյակում են հայտնվել նաև պահպանողականներ Ջալիլին (20%) և Ղալիբաֆը (19%)։ Հարցվածների 53%-ը վստահ է, որ կքվեարկի առաջիկա ընտրություններին։

Նշենք, որ 70-ամյա Մասուդ Պեզեշկիանը ծնվել է Մահաբադ քաղաքում՝ ադրբեջանական ընտանիքում։ Նախընտրական քարոզարշավի ժամանակ նա հայտարարել էր, որ հպարտ է իր ադրբեջանական ծագմամբ։ Մի քանի օր առաջ Թեհրանի նահանգի Վարամին թաղամասում ելույթի ժամանակ նա արտասանել էր «Կեցցե Ադրբեջանը» կարգախոսը։

Այս թեմայով Իրանում նախագահական ընտրությունների երկրորդ փուլ կանցկացվի Իրանի նախագահական ընտրություններում առաջատար է Մասուդ Փեզեշկիանը Իրանի նախագահական ընտրություններին արդեն մասնակցել է շուրջ 16,5 միլիոն մարդ Համագործակցության ձևերը կախված են Հայաստանի իշխանություններից. Իրանի դեսպանը՝ Սյունիքի անվտանգության մասին Հայաստանը մեր ազնիվ հարևանն է. Իրանի դեսպան Իրանում մեկնարկել են արտահերթ նախագահական ընտրությունները Իրանի նախագահի ընտրություններից մեծ ակնկալիքներ ունեմ, պետք է երիտասարդների համար շատ աշխատատեղ լինի (տեսանյութ) ՀՀ տարածքի հարցում Իրանի դիրքորոշումը չի կարող փոխվել՝ անկախ նախագահական ընտրությունների արդյունքից (տեսանյութ) ՀՀ-ի հետ Իրանի համագործակցության ձևը կախված է ՀՀ-ից. Իրանի դեսպանը՝ Սյունիքի սահմանների մասին Երևանում Իրանի նախագահական ընտրությունների տեղամաս է բացվելու Կապույտ մզկիթում