Տավուշի մարզի որոշ բնակավայրերում տուն կառուցելու հիփոթեքի դեպքում կտրվի 5 մլն հավելում

Կառավարությունը որոշեց փոփոխել ՀՀ սահմանամերձ բնակավայրերում ընտանիքների բնակարանային մատչելիության ապահովման պետական աջակցության 2022-2025 թվականների ծրագրի շահառուների շրջանակը:

Որոշման հիմնավորման մեջ նշվում է, որ ծրագրով արդեն իսկ հաստատվել է շուրջ 1100 շահառուի հայտ, որից 750-ի հետ հիփոթեքային վարկավորման պայմանագիրը կնքվել է և վարկը տրամադրվել է։

Այս նախագծի հիմնական նպատակն է շահառուների շրջանակը դարձնել առավել նպատակային և թիրախային, հնարավորություն տալով միայնակ ծնողներին՝ այրիներին, այդ թվում՝ զոհվածների ընտանիքներին ևս օգտվել ծրագրից, ինչպես նաև ծրագրի պայմաններում իրականացնել որոշակի հստակեցումներ։

Մասնավորապես, սահմանվում է ծրագրի շահառուների նոր՝ առավել թիրախային շրջանակ, ըստ որի ծրագրից կարող են օգտվել առնվազն մեկ անչափահաս երեխա ունեցող ամուսինները, երեխա չունեցող ամուսինները, որոնց տարիքների հանրագումարը չի գերազանցում 75-ը,ինչպես նաև առնվազն մեկ անչափահաս երեխա ունեցող միայնակ ծնողը՝ այրին։

Միաժամանակ սահմանվում է, որ շահառու ընտանիքի բոլոր անդամները պետք է ունենան ՀՀ քաղաքացիություն։

Տավուշի մարզի Բաղանիս, Բերքաբեր, Կիրանց և Ոսկեպար բնակավայրերում անհատական բնակելի տուն կառուցելու (կառուցապատումը շարունակելու) նպատակով տրամադրվող հիփոթեքային վարկերի դեպքում տրվում է 5 մլն հավելում։

Կարգավորվում են այն դեպքերը, երբ շահառուի երեխայի (երեխաների) ծննդի պետական գրանցումն իրականացվել է օտարերկրյա պետությունում, այս դեպքում ծնողը հանդիսանում է շահառու, եթե երեխային (երեխաներին) տրվել է ՀՀ քաղաքացու անձնագիր:

Շահառուների նոր շրջանակին վերաբերվող փոփոխություններն ուժի մեջ կմտնեն օգոստոսի 1-ից, հաշվի առնելով հանրային քննարկման արդյունքները։

Այս թեմայով 35-ամյա Շողիկը կույր է և չունի ոտքեր, բայց մեր պրոթեզավորման թիմի շնորհիվ քայլում է. Զինվորի տուն Ապարանի որոշ հասցեներում ջուր չի լինի Փոխվարչապետ Խաչատրյանի որդին 72 մլն դրամ արժեքով տուն է կառուցել ու Ակբա բանկի բաժնետոմս նվեր ստացել․ «Հետք» Իհարկե չեմ հավատում Փաշինյանին, իբր տալիս է, որ խաղաղ լինի, էդ դեպքում պիտի ողջ Հայաստանը տա (տեսանյութ) Կատարելագործել համագործակցությունը․ Տավուշի մարզային փրկարարական վարչությունն ամփոփել է հունիս ամիսը Սուրենի հետ երկար ճանապարհ ենք անցել, որևէ գնահատական չեմ տա, Շարժումն ամեն դեպքում շարունակվում է. Սրբազան (տեսանյութ) Ավելի քան 244 մլն դրամ՝ Լոռու մարզի մանկապարտեզների գույքի ձեռբերման համար ՔՊ-ական պատգամավոր Արթուր Հովհաննիսյանը նոր տուն ունի. 168.am Հանրության գերակա շահ ճանաչվեցին Սարյան-Պարոնյան փողոցների միջնամասում գտնվող որոշ տարածքներ Լոռու և Տավուշի մարզերի տնտեսվարողների վարկերի մարման ժամկետը կերկարաձգվի