Մոտ ապագայում կլինի ԵՄ-ին անդամակցության հանրաքվեն, և վստահ եմ, որ մեր ժողովուրդը կասի՝ այո. Ալեն Սիմոնյան

Հայաստանը ցանկանում է լինել Եվրամիության մաս։ Այս մասին Rus.LSM-ին ասել է Հայաստանի Ազգային ժողովի նախագահ Ալեն Սիմոնյանը Լատվիա կատարած այցի ժամանակ։ Ռիգայում նա հանդիպել է իր լատվիացի գործընկեր Դայգա Միերինայի հետ, ինչպես նաև հանդիպումներ է ունեցել նախագահ Էդգարս Ռինկևիչի և արտգործնախարար Բայբա Բրաժեի հետ, հայտնում է պարբերականը։

«Այն, ինչ կատարվում է մեր տարածաշրջանում, նույն պատմությունն է, ինչ Ուկրաինայում, պարզապես գործող անձինք են մի փոքր ուրիշ: Մեզ աջակցություն է պետք երկարաժամկետ խաղաղության համար։ Մենք տարածքային պահանջներ չունենք մեր հարևանների նկատմամբ: Մեզ միայն պետք է Ադրբեջանի կառավարության խաղաղություն հաստատելու ցանկությունը։ Եվ այս հարցում մեզ անհրաժեշտ է Լատվիայի և եվրոպական այլ գործընկերների օգնությունը։ Մենք կիսում ենք Լատվիայի և ԵՄ անդամների արժեքները, ուստի մեզ աջակցություն է պետք ԵՄ ընտանիքի լիիրավ անդամ դառնալու համար»,- ասել է ՀՀ Ազգային ժողովի նախագահ Ալեն Սիմոնյանը։

«Ռուսաստանի կողմից ինչ-որ խանդի մասին... պետք էր լավ գործընկեր լինել, պաշտպանել դաշնակիցներին և ազնիվ լինել գործընկերոջ հետ, նույնիսկ եթե այդ գործընկերը փոքր է: Մեր հասարակությունը որոշում ունի՝ լինելու Եվրամիության մաս։ Մի քանի օր առաջ մեր խորհրդարանում քննարկվում էր Հայաստանի՝ ԵՄ անդամ դառնալու հանրաքվե անցկացնելու թեման։ Կարծում եմ, որ ինչ-որ մի ժամանակ մոտ ապագայում կլինի այս հանրաքվեն, և վստահ եմ, որ մեր ժողովուրդը կասի՝ այո՛»,-ասել է Ալեն Սիմոնյանը:

Այս թեմայով Օդի ջերմաստիճանը կնվազի. շրջանների զգալի մասում անձրև և ամպրոպ, նաև՝ կարկուտ կլինի Ալեն Սիմոնյանի կարգադրությամբ դասային աստիճան է շնորհվել ԵՄ-ի հետ վիզաների ազատականացման երկխոսության մեկնարկը ՀՀ առաջնահերթություններից է. Սիմոնյան Հայաստանը ցանկանում է լինել Եվրամիության մաս. Ալեն Սիմոնյան Չի կարելի թույլ տալ ԵՄ-ին անդամակցության հանրաքվեի անցկացում. Ավետիք Իշխանյան Ալեն Սիմոնյանը Լատվիայի նախագահին է ներկայացրել «Խաղաղության խաչմերուկ» նախագիծը Ալեն Սիմոնյանի հրամանագրով Մովսես Հարությունյանը նշանակվել է ՀՀ ԱԺ նախագահի օգնական Ինչ եղանակ կլինի Քամի, անձրև և ամպրոպ, առանձին հատվածներում նաև կարկուտ կլինի. ինչ եղանակ է սպասվում Երևանում և մարզերում Վթարային ջրանջատում կլինի Սևանում