Այս տարի շուրջ 100,000 վայրի ծառ կտնկվի Վայոց ձորի մարզում

Այս տարի Հայաստանի անտառներում տնկվելու են 100,000 վայրի սերմերից խնամքով աճեցված տնկիներ, որոնք մեծ դրական ազդեցություն են ունենալու անտառների վերականգնման և մարդ-վայրի բնություն կոնֆլիկտը մեղմելու ուղղությամբ։ Այս արդյունքին Վայրի բնության և մշակութային արժեքների պահպանման հիմնադրամին (FPWC) հաջողվել է հասնել Ուշի գյուղում կառուցված 4 նոր տնկարանների շնորհիվ, որտեղ հնարավորություն է ստեղծվել աճեցնելու շուրջ 150,000 վայրի տնկի։

Աճեցված 100,000 վայրի տնկիներն այս տարի տնկվելու են Վայոց ձորի մարզում՝ Հայաստանի համար նոր տեխնոլոգիայի կիրառմամբ, որը հնարավորություն է տալիս վայրի բնությունից հավաքած սերմերից աճեցնել առողջ տնկիներ՝ փակ արմատային համակարգով։  Հատուկ ընտրված «թիրախային տնկման հայեցակարգի» (Target Plant Concept/TPC) մեթոդն ապահովվում է բույսերի բարձր կպչողականություն։ Տարիներ շարունակ FPWC կողմից կիրառվող մեթոդի շրջանակներում ընտրվել են տեղի էնդեմիկ բուսատեսակների սերմեր, սածիլները խնամքով մշակվել են տնկարաններում, այսպիսով հարմարեցվելով տարածքին, որտեղ տնկվելու են։

Ծառատունկից հետո մեր նոր տնկված ծառերի նկատմամբ իրականացվում է նաև հետագա խնամք մինչ դրանք դառնան ավելի հասուն և կայուն ծառեր։

Ընդգծենք նաև, որ տնկված ծառերը ոչ միայն օգտակար են անտառների վերականգնման տեսանկյունից, այլև՝ հետագայում դրանց պտուղները կարող են կեր հանդիսանալ վայրի կենդանիների համար և որոշակիորեն մեղմել կենդանիների գյուղեր ներթափանցելու խնդիրը, որն ակնհայտ է հենց Վայոց ձորի մարզում։

FPWC-ն անտառավերականգնման ծրագիրն իրականացվում է 2016 թվականից։ Այս տարիների ընթացքում մասնագետների ներգրավմամբ և նվիրված աշխատանքի արդյունքում վայրի բնության մեջ տնկվել է շուրջ 430.000 ծառ։ Հիմնադրամը շարունակում է աշխատել անտառվերականգնման ծրագրի զարգացման և ընդլայնման ուղղությամբ և այսուհետ ծրագիրը միայն ընդլայնվելու է։

Այս թեմայով Միրզոյանը տարածաշրջանում ներկայիս իրավիճակի շուրջ զրույց է ունեցել Կոսովոյի փոխվարչապետի հետ Արարատ Միրզոյանն ու Ուկրաինայի ԱԳ նախարարը Եվրոպական միության հետ փոխգործակցության հարցերի շուրջ մտքեր են փոխանակել Հայաստանի և Սլովենիայի ԱԳ նախարարները մտքեր են փոխանակել տարածաշրջանի անվտանգության հարցերի շուրջ Հատուկ տակտիկական ուսումնավարժանքներ՝ Վայոց ձորում Վայոց ձորում անցկացվել են հատուկ տակտիկական ուսումնավարժանքներ Իրանի նախագահական ընտրություններին արդեն մասնակցել է շուրջ 16,5 միլիոն մարդ Գյումրիում ցայտաղբյուրին շան միզելու հարցի շուրջ առաջացած վեճի պատճառով կատարված սպանության վարույթի նախաքննությունն ավարտվել է Շուրջ 9000 երեխա ավարտում է Երևանի համայնքային մանկապարտեզները (տեսանյութ) Որքա՞ն գումար է Ադրբեջանը այս տարի վճարել՝ Հայաստանի տարածքով թռիչքների համար ՀՀ պատվիրակությունը այս տարի չի մասնակցի Բելառուսում կայանալիք «Սլավյանսկի բազար» մրցույթին