Պատերազմից հետո ՀՀ-ն կարողացել է դիմակայել ինքնիշխանության դեմ ճնշումներին՝ ժողովրդավարության միջոցով. Արմեն Գրիգորյան

Ժողովրդավարության եւ անվտանգության միջեւ իրականում հակադրություն չկա: Այս մասին այսօր՝ հուլիսի 1-ին, «Ժողովրդավարության հայկական երրորդ ֆորումի» ժամանակ նշեց Հայաստանի ԱԽ քարտուղար Արմեն Գրիգորյանը:

«Փորձում են հակադրություններ ստեղծել, բայց միանշանակ է, որ  ժողովրդավարական կառավարման համակարգն ավելի կայուն է: Նախ կայուն է ակնկալիքների առումով, փոփոխությունները ընտրությունների միջոցով են տեղի ունենում եւ հաճախ հանրային ընկալումների փոփոխությունները արտահայտվում են ընտրությունների միջոցով: Իմ համոզմամբ ժողովրդավարական համակարգերն ամենակայուն են եւ անվտանգ են»,-ասաց նա:

Ըստ ԱԽ քարտուղարի՝ իրենց  գործը 2018-ից եղել է  նաև անվտանգության հայցեկարգի ընկալման ընդլայնումը. ««Փորձ է արվում դա ընկալել Զինված ուժերի կամ անվտանգության ինստիտուտների մասով, բայց անվտանգությունը մեծ հասկացություն է և շատ դեպքերում ԶՈւ-ի և անվտանգության ինստիտուտների աշխատանքը կախված է նաև համակարգի այլ ինստիտուտների աշխատանքից։ Այդ առումով որոշ չափով մեզ հաջողվել է, և այս պահին ժողովրդավարությունը եղել է հիմնական գործիքը, որով կարողացել ենք քաղաքական ճգնաժամերը հաղթահարել»,-ասաց նա։

Արմեն Գրիգորյանը հայտարարեց՝ ՀՀ-ում հստակ ընկալում կա, որ իշխանափոխության միակ գործիքն այլևս ընտրություններն են. «Այլ գործիք ՀՀ-ում գոյություն չունի և սա հիմնական հաջողություններից մեկն է»։

ԱԽ քարտուղարը նաև ընդգծեց՝ ժողովրդավարությունն ինքնիշխանության պաշտպանության հարցում մեծ դեր ունի, մասնավորապես, «ՀՀ-ի դիմակայությունը՝ առնվազն վերջին 4 տարիներին»։

«Պատերազմից հետո այն ճնշումները, որոնք ՀՀ-ի վրա կային, ինքնիշխանության տեսակետից, ՀՀ-ն կարողացել է դիմակայել ժողովրդավարության միջոցով։ Համոզված եմ, եթե ՀՀ-ն ժողովդավարական համակարգ չունենար, դժվար թե այդ ճնշմանը դիմակայեր»,-ասաց նա։

Այս թեմայով Ի՞նչ կարող է անել Հայաստանը, բայց չի անում. Արմեն Աշոտյան Արմեն Եգանյանը նշանակվել է Էկվադորում Հայաստանի դեսպան Թուրքիայում տեղի ունեցած անկարգություններից հետո գրեթե 70 մարդ է ձերբակալվել Ուղիղ 300 տարի առաջ մեղրիում ոչնչացվել է 11000 թյուրք զինվոր․ Արմեն Այվազյան Կոտայքում միմյանց բախվելուց հետո մեքենաներից մեկը հարվածել է երկաթե արգելապատնեշին Զելենսկին խոսել է ՌԴ-ի հետ միջնորդների միջոցով բանակցություններ վարելու հնարավորության մասին 2020 թվականի մեր հայրենական պատերազմից հետո ինչ տեղի ունեցավ, դա էլ էր խաբեություն. Սրբազան Մենք ոչինչ չենք կարողացել այնպես անել, որ մեր հայրենիքը, մեր Արցախ աշխարհը հայերով շնչի. Սրբազան Լալա Մնացականյանի ամուսինը դերասանուհու մահից հետո առաջին անգամ գրառում է կատարել Երեխային բռնում, տանում մորթում են, լրիվ այլանդակում ու հետո հուղարկավորում. տատը իրական դեպք է պատմում