Մարտունի համայնքը շուքով է դիմավորել Եվրոպայի բռնցքամարտի պատանեկան առաջնության չեմպիոնին

Բոսնիա և Հերցոգովինայի մայրաքաղաք Սարաևոյում կայացած բռնցքամարտի Եվրոպայի պատանեկան առաջնությունում Մարտունի համայնքի բնակիչ 16-ամյա բռնցքամարտիկ Սիմոն Սիմոնյանը եզրափակիչ փուլում փայլուն հաղթանակ է տարել ադրբեջանցու նկատմամբ ու դարձել մինչև 16 տարեկան պատանիների առաջնության չեմպիոն:

Ինչպես «Արմենպրես»-ը տեղեկացավ ՀՀ Գեղարքունիքի մարզի բռնցքամարտի ֆեդերացիայի նախագահ, չեմպիոնի մարզիչ Գևորգ Սարգսյանից, Սիմոն Սիմոնյանին նախ շուքով դիմավորել են «Զվարթնոց» օդանավակայանում, ապա՝ Մարտունի քաղաքում, որտեղից ավտոշարասյունով հանդիսավորությամբ շարժվել են դեպի Ծովինար՝ չեմպիոնի հայրենի գյուղ, որտեղ տեղի է ունեցել տոնախմբություն։

«Սիմոն Սիմոնյանը Բոսնիա և Հերցոգովինայի մայրաքաղաք Սարաևոյում կայացած բռնցքամարտի Եվրոպայի պատանեկան առաջնությունում չեմպիոնության ճանապարհը հարթեց 4 փայլուն գոտեմարտով։ Մարտունեցի 16-ամյա բռնցքամարտիկը եզրափակիչ մենամարտում 48 կգ քաշային կարգում 5։0 հաշվով պարտության մատնեց ադրբեջանցի Նիհաթ Գասիմովին ու բարձրացավ պատվո հարթակի ամենավերին աստիճանին։ Այս հաղթանակը մեր բոլորի հպարտությունն է, մեր ընդհանուր ջանքերի արդյունքը։ Իսկ Մարտունի համայնքում ցնծությունը համընդհանուր է»,-նշեց Գևորգ Սարգսյանը։

Այս թեմայով Ըմբիշ Յուրիկ Հովեյանը հաղթեց թուրք մարզիկին և դարձավ Եվրոպայի առաջնության բրոնզե մեդալակիր Պատանի բռնցքամարտիկ Սիմոն Սիմոնյանը հաղթել է ադրբեջանցի մրցակցին և դարձել Եվրոպայի չեմպիոն Համեստ Աֆրիկյանը՝ բռնցքամարտի պատանեկան ԵԱ չեմպիոն Հայաստանի բասկետբոլի կանանց ընտրանին փոքր երկրների Եվրոպայի առաջնությունում 6-րդն է Ըմբիշ Գագիկ Ղազարյանը 10։0 հաշվով հաղթանակ է տարել և դուրս եկել Եվրոպայի առաջնության եզրափակիչ փուլ Հայաստանի շախմատի պատանեկան հավաքականի անդամ Էմին Օհանյանը արժանացել է անհատական ոսկե մեդալի Պատանի հունահռոմեականները 1 ոսկե, 3 արծաթե և 1 բրոնզե մեդալ են նվաճել Եվրոպայի Մ17 առաջնությունում Հայաստանը դարձել է Եվրոպայի մինչև 18 տարեկանների թիմային առաջնության փոխչեմպիոն Լյովա Սրապյանը՝ ձյուդոյի մինչև 17 տարեկանների Եվրոպայի առաջնության բրոնզե մեդալակիր Հայաստանի թիմը դարձավ Շախմատի Եվրոպայի մինչև 18 տարեկանների թիմային առաջնության փոխչեմպիոն