Իշխան Սաղաթելյանն ու Գեղամ Մանուկյանը հանդիպել են Սիրիայի դեսպանի հետ․ ինչ են քննարկել

ՀՅԴ Հայաստանի ԳՄ ներկայացուցիչ, ԱԺ Հայաստան-Սիրիա բարեկամական խմբի ղեկավար Իշխան Սաղաթելյանը եւ բարեկամական խմբի անդամ Գեղամ Մանուկյանն այսօր հանդիպել են ՀՀ-ում Սիրիայի Արաբական Հանրապետության արտակարգ և լիազոր դեսպան տիկին Նորա Արիսյանի հետ:

Դեսպանը շնորհակալություն է հայտնել Սիրիա-Հայաստան բարեկամական խմբի աշխատանքների կազմակերպման հարցում Ի. Սաղաթելյանի ունեցած ներդրման և գործադրած ջանքերի համար։

Հանդիպման ընթացքում կողմերը անդրադարձել են Սիրիայում և Հայաստանում առկա քաղաքական իրավիճակին, Սիրիայում հայ համայնքի դիմագրաված տնտեսական և ժողովրդագրական հարցերին և մի շարք այլ խնդիրների։

Կատարած աշխատանքի համար շնորհակալություն հայտնելով տիկին դեսպանին՝ Իշխան Սաղաթելյանն ընդգծել է երկու երկրների՝ պատմականորեն ձևավորված բարեկամությունը, ինչպես նաև աշխարհաքաղաքական արդի զարգացումների համատեքստում Հայաստանի ու Սիրիայի ունեցած շահերի և, ի դեմս Թուրքիայի, արտաքին վտանգների առկայությունը։

Զրույցի ընթացքում հույս է հայտնվել, որ հուլիսի 15-ին կայանալիք Սիրիայի խորհրդարանական ընտրություններից հետո կարճ ժամանակում կձեւավորվի ՀՀ ԱԺ-ի հետ բարեկամական խումբը եւ կվերսկսվի միջխորհրդարանական համագործակցությունը։ Ամփոփելով հանդիպումը՝ կողմերը պայմանավորվել են շարունակել փոխգործակցությունը:

ՀՅԴ Հանրային կապերի գրասենյակ

02.07.2024 թ.

Այս թեմայով Սիրիայի ազգային բանակը Թուրքիայի համար անախորժություններ է ստեղծելու, եթե Էրդողանը քայլեր չձեռնարկի Համաժողովի շրջանակում քննարկել ենք անհավասարության աճին, աշխատանքի ապագային առնչվող մի շարք հարցեր ԱԺ ընդդիմադիր խմբակցությունները հանդիպել են ԱՄՆ սենատի և Ներկայացուցիչների պալատի անդամների հետ ԱՄՆ կոնգրեսական պատվիրակության անդամները հանդիպել են Լեռնային Ղարաբաղից տեղահանվածներին Աստանայում հանդիպել են Թուրքիայի, Ադրբեջանի և Պակիստանի նախագահները․ մանրամասներ Արամ Ա Կաթողիկոսը քննարկել է Եկեղեցու դերը, այսօր նրա շուրջ ստեղծված իրավիճակը Դեսպանի հետ հանդիպմանը Բաքվի բռնապետ Ալիևը հերթական անգամ ՀՀ տարածքը կոչել է «Արևմտյան Ադրբեջան» Շիրակի մարզպետը և Չեխիայի դեսպանը քննարկել են քույր քաղաքներ ունենալու հարցը Փաշինյանն ու Ռոջեր Ուիքերը քննարկել են Հայաստանի և Ադրբեջանի միջև խաղաղության պայմանագիրը Ադրբեջանն ու ՆԱՏՕ-ն քննարկել են ռազմական համագործակցության հարցեր