Իրանի գերագույն առաջնորդը հրամայել է ուղիղ հարձակում իրականացնել Իսրայելի վրա. New York Times

Իրանի գերագույն առաջնորդ Ալի Խամենեին հրամայել է ուղղակի հարձակում իրականացնել Իսրայելի վրա՝ ի պատասխան Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի սպանության։ Այս մասին հայտնում է New York Times-ը։

«Իրանի գերագույն առաջնորդ Ալի Խամենեին Իրանին հրամայել է ուղիղ հարված հասցնել Իսրայելին՝ ի պատասխան Թեհրանում Հանիյայի սպանության», - ասվում է հրատարակության մեջ՝ վկայակոչելով երեք իրանցի պաշտոնյայի:

Չորեքշաբթի օրը պաղեստինյան ՀԱՄԱՍ շարժումը հայտնել է ՀԱՄԱՍ-ի քաղբյուրոյի ղեկավար Իսմայիլ Հանիեի մահվան մասին Իրանի մայրաքաղաք Թեհրանում գտնվող նրա նստավայրին իսրայելական հարվածի հետևանքով, ուր նա ժամանել էր՝ Իրանի նոր նախագահի երդմնակալությանը մասնակցելու։ Շարժումը Հանիեի մահվան մեջ մեղադրեց Իսրայելին և ԱՄՆ-ին և ասաց, որ հարձակումն անպատասխան չի մնա:

Պենտագոնի ղեկավար Լլոյդ Օսթինը ասել է, որ ոչինչ չունի ասելու ՀԱՄԱՍ-ի քաղբյուրոյի ղեկավարի մահվան և դրանում Իսրայելի մասնակցության մասին։ Իսրայելական բանակի ներկայացուցիչներն իրենց հերթին հայտարարել են, որ իրենք «չեն արձագանքում ԶԼՄ-ների հաղորդագրություններին» Հանիեի սպանության մասին։

Jerusalem Post-ը գրել է, որ Իսրայելի իշխանությունները նախարարներին հանձնարարել են չբարձրաձայնել ՀԱՄԱՍ-ի առաջնորդի սպանության մասին։

Այս թեմայով Լիբանանում փեյջերի պայթյունից վիրավորվել է Իրանի դեսպանը Ռուսաստանն աջակցում է «Ադրբեջանի հետ միջանցքների և կապի ուղիների» հարցում Իրանի քաղաքականությանը Արտաքին ուժերն են խոչընդոտում տարածաշրջանում խաղաղության հաստատմանը. Իրանի նախագահ Իսրայելի ռազմաօդային ուժերը հարվածել են «Հեզբոլլահ»-ի զենքի պահեստներին «Զանգեզուրի միջանցքը» Իրանի կարմիր գիծն է․ Իրանի սահմանադրության պահապանների խորհրդի անդամ ՈՒՂԻՂ․ Խորհրդարանական ճեպազրույցներ Իրանի նախագահը կմեկնի ՌԴ Արևմուտքը չի կարող պատժամիջոցներով Իրանին պարտադրել իր կամքը․ Իրանի ԱԳՆ Ասադը հրամայել է Սիրիայում նոր կառավարություն ձևավորել ՈՒՂԻՂ. Մասիս խոշորացված համայնքը նշում է իր 55-ամյակը