Իրանում Հանիեի մահից հետո տասնյակ անվտանգության աշխատակիցներ են ձերբակալվել. NYT

Իրանը լայնածավալ հետաքննություն է սկսել պաղեստինյան արմատական ​​ՀԱՄԱՍ շարժման քաղբյուրոյի ղեկավար Իսմայիլ Հանիեի սպանության առնչությամբ, և ավելի քան երկու տասնյակ մարդ է ձերբակալվել, այդ թվում՝ հետախուզության բարձրաստիճան սպաներ և զինվորականներ, գրում է New York Times-ը

Հանիեն սպանվել է հուլիսի 31-ին՝ Թեհրանում իր նստավայրի վրա հարձակման արդյունքում, ուր նա ժամանել էր՝ մասնակցելու Իրանի նոր նախագահ Մասուդ Փեզեշկիանի երդմնակալության արարողությանը։ ՀԱՄԱՍ շարժումը սպանության մեջ մեղադրել է Իսրայելին և կատարվածն անվանել ահաբեկչություն:

Իրանցի երկու պաշտոնյաներ ասել են, որ Հանիեի սպանության հետաքննությունը ղեկավարում է Իսլամական հեղափոխության պահապանների կորպուսի մասնագիտացված ստորաբաժանումը: Նրանց խոսքով, որոնումներ են իրականացվում կասկածյալների համար, որոնք կօգնեն բացահայտել խմբավորման անդամներին, ովքեր ծրագրել և իրականացրել են խմբավորման քաղբյուրոյի ղեկավարի սպանությունը։

Հանիեի մահից հետո Իրանի անվտանգության գործակալները «սանրել են Թեհրանի հյուրատան ամեն մի թիզը», կարանտինի ենթարկել աշխատակիցներին, ձերբակալել նրանցից մի քանիսին և առգրավել նրանց բոլոր էլեկտրոնային սարքերը, ասել են NYT-ի զրուցակիցները: Գործակալները նաև հարցաքննել են բարձրաստիճան զինվորականների և հետախուզական պաշտոնյաների, ովքեր պատասխանատու են մայրաքաղաքի անվտանգության համար: Նրանցից ոմանք ձերբակալվել են մինչև հետաքննության ավարտը։

Այս թեմայով Ձերբակալվել է ՔՊ-ական գյուղապետ Պարգևատրվել են ՊՊԾ աշխատակիցներ Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան Դոնբաս այցից հետո Մոսկվայում հանդիպեցինք ՌԴ պետդումայի պատգամավոր Կոնստանտին Զատուլինի հետ. Թևանյան Ձերբակալվել է Վահե Հակոբյանի եղբայրը Ուժեղ չեմ, ուժեղ եմ խաղում. որդուցս հետո երազանքներիս գույնը փոխվել է. Դավիթ Ամալյան (տեսանյութ) Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել Ցանկալի կլիներ, որ Հայոց ցեղասպանության ճանաչումն ազդեր Հայաստանում անվտանգության մակարդակի բարձրացման վրա. Սինանյան Wildberries-ի գրասենյակի մոտ տեղի ունեցած կրակոցներից վիրավորված անվտանգության երկրորդ աշխատակիցը մահացել է 3 անձ ձերբակալվել է քաղաքացուն առևանգելու, նրա նկատմամբ հոգեկան ներգործության կասկածանքով