Լավ է, որ Հայաստանի ռեկորդ սահմանեցի, բայց ինձնից այնքան էլ գոհ չեմ․ Երվանդ Մկրտչյան

Հայաստանի օլիմպիական հավաքականի անդամ, վազորդ Երվանդ Մկրտչյանը Փարիզում անցկացվող 33-րդ ամառային Օլիմպիական խաղերի աթլետիկայի մրցաշարում այսօր հանդես է եկել 800 մետր վազք մրցատարածությունում և ցույց տվել 1:49.91 վայրկյան արդյունք, ինչը Հայաստանի նոր ռեկորդ է: Հայտնում են ԿԳՄՍ նախարարությունից։ 

Ամփոփելով իր մրցելույթը՝ Երվանդ Մկրտչյանը նշել է՝ առաջին Օլիմպիական խաղերին մասնակցությունը կարելի է հաջող համարել Հայաստանի ռեկորդ սահմանելու առումով. «Լավ է, որ Հայաստանի ռեկորդ սահմանեցի, բայց ինձնից այնքան էլ գոհ չեմ, քանի որ կարծում եմ՝ սա իմ առավելագույնը չէր: Վաղը ևս մեկ մեկնարկ ունեմ. կփորձեմ բարելավել արդյունքս: Ես միջին տարածությունների վազորդ եմ՝ 800 և 1500 մետր, որոնք իրար բավական մոտ են: Կարծում եմ՝ արագության խնդիր ունեցա, ինչի վրա պետք է աշխատեմ»:

Փարիզի «Ստադ դե Ֆրանս» մարզադաշտում անցկացվող աթլետիկայի մրցումներին շուրջ 70 հազար հանդիսական էր հետևում: Երվանդ Մկրտչյանը խոստովանում է՝ սա մեծ ճնշում էր.

«Առաջին անգամ էի այսքան մեծ թվով հանդիսականների ներկայությամբ վազում: Աշխարհի և Եվրոպայի առաջնությունների եմ մասնակցել, բայց նման բան չէի տեսել: Մթնոլորտը շատ տպավորիչ էր, բայց նաև՝ ճնշող: Կարծում եմ՝ ամեն ինչ լավ է ընթանում: Կազմակերպչական առումով ամեն ինչ շատ բարձր մակարդակի է: Ինչ վերաբերում է իմ մարզումներին, ապա վերջին երկու շաբաթում հենց Փարիզում շատ լավ պատրաստություն եմ անցել և բարձր տրամադրություն ունեմ»:

Հայաստանի աթլետիկայի ֆեդերացիայի նախագահ Ռոբերտ Էմմիյանը Երվանդ Մկրտչյանի ցույց տված արդյունքը բավարար է համարում:

«Երվանդը Հայաստանի առաջատար վազորդներից է. շատ ուրախ եմ, որ զգաց Օլիմպիական խաղերի շունչը, փորձ ձեռք բերեց և նաև Հայաստանի ռեկորդ սահմանեց: Հուսով եմ՝ վաղվա մրցելույթում էլ ավելի կլավացնի իր արդյունքը: Աթլետիկայի մրցումներն Օլիմպիական խաղերի զարդն են:

Իհարկե, կցանկանայի, որ Հայաստանի աթլետիկայի հավաքականի ավելի մեծ թվով մարզիկներ լինեին այստեղ ու մասնակցեին այս խաղերին»,- ասում է Ռոբերտ Էմմիյանը:

Այս թեմայով Թավրիզի Իսլամական արվեստի համալսարանն ու Հայաստանի Ճարտարապետության և շինարարության ազգային համալսարանը համագործակցության համաձայնագիր են կնքել «Ինձ անգամ կողքի «պադեզդում» չգիտեին, բայց պարզվում է՝ 2009-ին շուկայում իմ գույքից էին խոսում». Թովմասյան (տեսանյութ) Հայաստանի համար ՀԱՊԿ-ից վտանգ չկա․ Պեսկովը պատասխանել է Փաշինյանին Նիկոլը միայն պողոսների համար է Հայաստանի դարդով ապրում՝ նրանց վարքագիծը նույնն է. Սուրենյանց (տեսանյութ) Սերոբ Գասպարյանի տանը տանկ ու իսկանդեր են փնտրել՝ չեն գտել, բայց կալանավորել են. Hraparak.am «Անբացատրելի ամաչում էի, բայց օգտագօրծեցի պահն ու այնքա՜ն մեծ բավականություն ստացա». Աննա Մանուչարյանը երգում է Արսեն Գրիգորյանի նվագակցությամբ Հայաստանի շահերից կբխեր, որ ես չլինեի հայրենասեր, դա ամենամեծ վնասն է, որ ես տվել եմ. Փաշինյան Այո´, Հայաստանի 200 քկմ տարածքն օկուպացված է, բայց մենք այն հետ չենք բերելու ռազմական ճանապարհով. Փաշինյան (տեսանյութ) Միասնական և ուժեղ Սփյուռքը Հայաստանի ամենահզոր դաշնակիցն է․ ՀՀ նախագահ Հայաստանի իշխանությունը գործիք է դարձել թյուրքական աշխարհի ստեղծման համար. Ստեփան Դանիելյան