Գյուղատնտեսության ոլորտում այս տարվա առաջին կիսամյակում 4 տոկոս աճ է գրանցվել

«Հայաստանում 2024 թվականի հունվար-հունիս ամիսներին գյուղատնտեսության, անտառային տնտեսության և ձկնորսության համախառն արտադրանքը 4.3 տոկոսով գերազանցել է նախորդ տարվա նույն ժամանակաշրջանի ցուցանիշը»: Այդ մասին հայտնում է ՀՀ վիճակագրական կոմիտեն:

Հաշվետու ժամանակահատվածում այդ ճյուղերն ընդհանուր առմամբ ապահովել են 311 մլրդ 276.8 մլն դրամի արտադրանք: Ընդ որում, գյուղատնտեսությունը գրանցել է 4 տոկոսի աճ՝ 285 մլրդ 824.9 մլն դրամի արտադրանքով: Բուսաբուծության ոլորտում աճը 10.6 տոկոս է: Այդ ցուցանիշը ներառում է նաև հողի մշակության համար մատուցված ծառայությունների ծավալը՝ բնահողի պատրաստում, ցանք և այլն: Արտադրանքը գնահատվում է 117 մլրդ 585.1 մլն դրամ: Անասնաբուծության ոլորտում աճն աննշան է՝ 0.1 տոկոս: Արտադրանքի ծավալը 168 մլրդ 239.8 մլն դրամի է:

Անտառային տնտեսությունում աճը 7.1 տոկոս է, իսկ արտադրանքը՝ 989.7 մլն դրամի: Ձկնորսության ոլորտում գրանցվել է 7.2 տոկոսի աճ, ապահովվել է 24 մլրդ 462.2 մլն դրամի արտադրանք:

Գյուղատնտեսության համախառն արտադրանքի ամենամեծ ծավալն ապահովվել է այս տարվա երկրորդ եռամսյակում՝ 198 մլրդ 550.8 մլն դրամի: Նախորդ տարվա համապատասխան ժամանակաշրջանի համեմատ աճը կազմել է 4.1 տոկոս:

Ձկնորսության և ձկնաբուծության համախառն արտադրանքի ծավալը բարձրակետին է եղել առաջին եռամսյակում՝ 15 մլրդ 313.1 մլն դրամի: Նախորդ տարվա առաջին եռամսյակի համեմատ գրանցվել է 8.4 տոկոսի աճ:

Անտառային տնտեսության համախառն արտադրանքի ծավալն առավել մեծ է եղել երկրորդ եռամսյակում՝ 577.1 մլն դրամի: 2023 թվականի նույն ժամանակաշրջանի համեմատ աճը կազմել է 13.5 տոկոս:

Այս թեմայով Հայաստանում առաջին անգամ ցուցադրվեցին Անահիտ աստվածուհու բրոնզաձույլ գլուխն ու ձեռքը Վլադիմիր Պոզները վերադառնում է ռուսական «Առաջին ալիք» Երևանում ցուցադրվել է Ազնավուրի առաջին բեմական զգեստը Կենտրոնական Եվրոպայում տեղի է ունեցել վերջին 20 տարվա ամենասարսափելի ջրհեղեղը. ավելի քան 20 մարդ է զոհվել (լուսանկարներ) Նորվեգիայում գրանցվել է ռադիոակտիվ ցեզիումի մակարդակի բարձրացում Վիվալդի եւ Պիացոլլա, «Տարվա ութ եղանակներ». Արամ Խաչատրյան համերգասրահում Թուրքիայում «օրենքով գող» հռչակված անձին Ռուսաստանում դատապարտել են 15 տարվա ազատազրկման Ջրհեղեղից տուժած Տավուշում դրամական առաջին փոխհատուցումը տրվեց երեքուկես ամիս անց Հայաստանում առաջին անգամ անցկացվում է Furniture Expo 2024 կահույքի մասնագիտացված ցուցահանդեսը Փաշինյանը կարևորել է առողջապահության ոլորտում այն ծրագրերը, որոնք ուղղված են քաղցկեղի բուժմանը