Ոստիկանություն են տարել Վահրամաբերդի գյուղապետին, իսկ եղբոր նկատմամբ հայտարարվել է հետախուզում

Քիչ առաջ ArmLur.am-ին հայտնի դարձավ, որ իրավապահները պարզե են, որ Վահրամաբերդի գյուղապետի եղբայրը կրակոցներից հետո հատել է ՀՀ սահմանը ու Վրաստանով այլ երկիր փախել:

ArmLur.am-ը գրել էր, որ Վահրամաբերդում կրակոցներ էին հնչել, սպանվել էր Մարմաշեն բնակավայրի բնակիչ 31-ամյա Արաբո Թառլոյանը, իսկ վիրավորը Մարմաշեն գյուղի բնակիչ 39-ամյա Լևոն Թառլոյանն է, ով հիվանդանոց է տեղափոխվել «ձախ սրունք-թաթային հոդի վնասվածք» ախտորոշմամբ։

Ըստ օպերատիվ տեղեկությունների՝ օգոստոսի 9-ին՝ ժամը 17։00-ի սահմաններում, Վահրամաբերդ բնակավայրի եկեղեցու մոտ մի կողմից Ա․ Թառլոյանի, Լ․ Թառլոյանի և մյուս կողմից Վահրամաբերդ գյուղի բնակիչ 36-ամյա Սարո Հովհաննիսյանի, Գյումրի քաղաքի բնակիչ 37-ամյա Վարազդատ Հովհաննիսյանի և Վահրամաբերդ գյուղի բնակիչ 34-ամյա Զորի Հովհաննիսյանի միջև տեղի ունեցած վիճաբանության ժամանակ Ա․ Թառլոյանն իր մոտ եղած դանակով հարվածել է Զ․ Հովհաննիսյանին, որից հետո վերջինս իրեն պատկանող «Mercedes» մակնիշի ավտոմեքենայի միջից վերցրել է 12 մմ տրամաչափի երկփողանի որսորդական հրացանը և կրակոցներ արձակել Ա․ և Լ․ Թառլոյանների ուղղությամբ, ապա «Mercedes»-ով հեռացել է դեպքի վայրից։

Դեպքի վերաբերյալ ոստիկանությունում արդեն բացատրություն է տվել Վահրամաբերդ գյուղի բնակիչ 36-ամյա Սարո Հովհաննիսյանը, ով ականատես է եղել վիճաբանությանը։

Նա Վահրամաբերդ բնակավայրի վարչական ղեկավարն է, իսկ նշված սպանության մեջ կասկածյալներից մեկը նրա եղբայրն է։

Ոստիկանները հայտնաբերել էին «Mercedes»-ը, ինչպես նաև հանցագործության գործիք հրացանը:

Քնար Մանուկյան

Այս թեմայով 3 անձ ձերբակալվել է քաղաքացուն առևանգելու, նրա նկատմամբ հոգեկան ներգործության կասկածանքով 31-ամյա տղամարդու դանակահարության վարույթով հանրային քրեական հետապնդում է հարուցվել երկու անձի նկատմամբ Հայկական սփյուռքի հիմնական գործառույթները ժամանակակից փուլում և Սփյուռքի նկատմամբ պետական հայեցակարգի ընդունման անհրաժեշտությունը Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով 26-ամյա երիտասարդի սպանության վարույթով 7-ի նկատմամբ քրեական հետապնդում է հարուցվել, 3-ը՝ կալանք Լեհաստանում հայտարարվել է տարերային աղետի դրություն (լուսանկարներ) Ռուսական ԶԼՄ-ների նկատմամբ ԱՄՆ-ի գործողություններն անպատասխան չեն մնա. Զախարովա Արտառոց դեպք՝ ՀՀ մարզերից մեկում․ծնողների պնդմամբ` դպրոցում երեխայի նկատմամբ ոտնձգություն է կատարվել Հայաստանի հավաքականները երրորդ անընդմեջ հաղթանակն են տարել շախմատի համաշխարհային 45-րդ օլիմպիադայում ՀՀ-ում չհաշվառված քաղաքացիական և ծառայողական բոլոր զենքերը ենթակա են հաշվառման. ՀՀ ոստիկանություն