Քրեական հեղինակություն «Նորատուսցի Ալիկի» եղբոր որդուն կալանքի տարած դատավորը «սրտիկում է» Կարեն Անդրեասյանի գրառումները․ ով է նա. armlur.am

Հուլիսի 17-ին Սևանի կրակոցների գործով, ինչի արդյունքում սպանվեց Սևանի ավագանու անդամ Արսեն Աֆիյանը, մինչ օրս Արմավիրի բանտում կանալնքի տակ է քրեական հեղինակություն Ալիկ Բանդուրյանի եղբոր որդին՝ Լևոն Բանդուրյանը։

«Քրեական հեղինակության» եղբոր որդուն կալանքի տարած դատավորը Մասիս Մելքոնյանն է, որը առավել հայտնի է դատական համակարգում իշխանության «սրտի դատավոր»: Ավելին՝ նա իր հավատարմությունը ցույց տալու համար ակտիվորեն հետևում է ԲԴԽ նախագահ Կարեն Անդրեասյանի ֆեյսբուքյան գրառումներին, ավելին՝ ակտիվորեն հավանում կամ «սրտիկներ» է դնում դրանց։

Իսկ ինչպես Մասիս Մելքոնյանը դարձավ դատավոր:

Վերջինս Հայաստան է վերադարձել հեղափոխությունից հետո, դարձել Նիկոլ Փաշինյանի կոալիցիոն «Հանրապետություն» կուսակցության խորհրդի անդամ, որը տնօրինում է Վազգեն Սարգսյանի եղբայրը՝ Արամ Սարգսյանը։ Մասիս Մելքոնյանն այդ կուսակցության համամասնական ցանկի 14-րդ համարի ներքո մասնակցել է 2021 թվականի արտահերթ խորհրդարանական ընտրություններին և պարտվել՝ կուսակցության հետ միասին։

Չնայած եղել է ՌԴ քաղաքացի և ապրել այդ երկրում, այնուամենայնիվ ստացել է Հայաստանում մշտական բնակության և քաղաքացիության տեղեկանք՝ ընտրություններին մասնակցելու համար։

Մասիս Մելքոնյանը, երբ առաջադրվել էր դատավորի թեկնածու, կոռուպցիայի կանխարգելման հանձնաժողովը տվել էր բացասական եզրակացություն, սակայն ԲԴԽ-ն կոնսենսուսով կողմ էր քվեարկել նրա թեկնածությանը։ Նախագահ Վահագն Խաչատուրյանը, համաձայն հրապարակման, չէր ստորագրել հրամանագիրը՝ այն հիմքով, որ Մասիս Մելքոնյանն անցնում է քրեական վարույթով։ Սակայն նա դատավորի պաշտոնը ստանձնեց իրավունքի ուժով։

Հիշեցնենք նաև կոռուպցիոն սկանդալի մասին․ համաձայն մամուլի՝ Մասիս Մելքոնյանին դերասանուհի Մարջան Ավետիսյանը մեղադրում էր այն բանում, որ, լինելով իր փաստաբանը, յուրացրել է իր գումարները:

Մանրամասները՝ տեսանյութում։

Քնար Մանուկյան

Այս թեմայով «Այս վճիռը որևէ հետեւանք չի առաջացնում, բացառությամբ, պարոն Թովմասյանի գույքի վրա դրված կալանքի մի մասի վերացումը». Օրբելյան (տեսանյութ) «Այս դատավորը կեղծ դատավոր էր իր ողջ էությամբ, քնած էլ կարող եմ էսպիսի վճիռ կայացնել». Թովմասյան (տեսանյութ) Ուսուցիչները Ժաննա Անդրեասյանի ֆեյսբուքյան էջը ողողել են դժգոհություններով ու բողոքներով ԱԱԾ-ականները հայտնաբերել են քրեական ենթամշակույթով զբաղվող «Ջուգլիեցի Արտյոմին» Ավանեսյանը կմասնակցի՞ Մայր Տաճարի վերաօծմանը․ պարզաբանում է խոսնակը․ ArmLur 31-ամյա տղամարդու դանակահարության վարույթով հանրային քրեական հետապնդում է հարուցվել երկու անձի նկատմամբ Գլխավոր դատախազությունը՝ 44-օրյայի օրերին զենքերի անհետացման և քրեական գործեր լինել-չլինելու մասին Տնային կալանքի ռեժիմը բավականին ծանր պայմաններով է սահմանված. Տիգրան Աբրահամյան Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով 26-ամյա երիտասարդի սպանության վարույթով 7-ի նկատմամբ քրեական հետապնդում է հարուցվել, 3-ը՝ կալանք