Ոստան գյուղի բնակիչը տան բակում կանեփի բույսեր է աճեցրել․ բացահայտում են համայնքային ոստիկանները

Ոստիկանության Արտաշատի բաժնի համայնքային ոստիկանները տեղեկություններ էին ստացել, որ Ոստան գյուղի 43-ամյա բնակիչը տան բակում կանեփի բույսեր է աճեցնում:

Օգոստոսի 13-ին ստուգման նպատակով ոստիկաններն այցելել են նշված հասցե: Բակի ակնհայտ տեսանելի հատվածում կանեփի բույսեր են եղել: Տանտերը հայտնել է, որ դրանք աճեցրել է անձնական օգտագործման համար:

Նախաձեռնվել է քրեական վարույթ, որի շրջանակում կատարված զննությամբ նշված տան բակում հայտնաբերվել են կանեփի 22 բույսեր:

Կազմված փաստաթղթերն ուղարկվել են Արարատի մարզային քննչական վարչություն:

Տնամերձ հողամասում կանեփի բույսեր աճեցնելու և թմրանյութ պահելու վերաբերյալ տեղեկություն էին ստացել նաև ոստիկանության Վաղարշապատի բաժնի համայնքային ոստիկանները:

Տեղեկությունը ստուգելու նպատակով ոստիկանները օգոստոսի 13-ին այցելել են Նորակերտ գյուղի բնակչի տուն: 46-ամյա տանտերը հայտնել է, որ ունի մարիխուանա և պատրաստ է այն ներկայացնել, իսկ տնամերձ հողամասերի տեսանելի հատվածներում երևացել են կանեփի բուսեր, որոնց վերաբերյալ տանտերը հայտնել է, որ աճեցրել է անձնական օգտագործման համար:

Նախաձեռնված քրեական վարույթի շրջանակում զննություն է կատարվել տնամերձ հողամասերում: Հայտնաբերվել է կանեփի 11 բույս, իսկ ոստիկանների բացատրական աշխատանքի շնորհիվ 46-ամյա տղամարդը ներկայացրել է մարիխուանա թմրամիջոցի նմանվող 30 գրամ չորացված-մանրացված դեղնականաչավուն զանգված:

Կազմված փաստաթղթերն ուղարկվել են Վաղարշապատի քննչական բաժին:
Երկու դեպքով էլ հանգամանքները պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Բագարան գյուղի դպրոցում կրքերը չեն հանդարտվում. դասադուլը շարունակվում է Ոստիկանները դաժանաբար ծեծել են և բերման ենթարկել ակցիա անողներին. «Հրապարակ» Հրդեհ՝ Սպանդարյան գյուղի տներից մեկում. մեկնել է 3 մարտական հաշվարկ Ստեփանակերտի քաղաքապետին պատկանող մեքենան առգրավել են. նա միայն բակում զբոսնելու թույլտվություն ունի Փրկարարները Վանաշեն գյուղի տներից մեկի բակից հեռացրել են մոտ 85 տոննա ջուր «Գեղաձոր» գյուղի ճանապարհին բռնություն գործադրելու և խուլիգանություն կատարելու վերաբերյալ վարույթով նախաքննությունը շարունակվում է Վաղարշապատի քրեական հետախույզները մարիխուանա և կանեփի թփեր են հայտնաբերել Ոստիկանները քաշքշելով բերման են ենթարկում ճանապարհը փակած քասախցիներին (տեսանյութ) Գոգարան գյուղի բնակիչները պահանջով դիմել են Սպիտակ համայնքի ղեկավարին Ուղիղ․ Սրբազանն ու աջակիցները հավաքվել են Սուրբ Աննա եկեղեցու բակում