Ռումինիայում «Արմենոպոլիս» փառատոնն է անցկացվել․ քննարկվել են փոխգործակցության հարցեր

Իջևան համայնքի ղեկավար Արթուր Ճաղարյանի գլխավորած պատվիրակությունը մասնակցել է Ռումինիայի Գեռլա քաղաքում տեղի ունեցած «Արմենոպոլիս» ամենամյա փառատոնին։

Հանդիպումներ են տեղի ունեցել Գեռլայի քաղաքապետի և հայ համայնքի ներկայացուցիչների հետ, քննարկվել են երկկողմ փոխգործակցության հետ կապված հարցեր։

Միջոցառումներին մասնակցել է նաև Ռումինիայում ՀՀ դեսպանության երկրորդ քարտուղար, հյուպատոսի պ/կ Ռոզա Սերոբյանը։

Գեռլայի (Gherla) քաղաքապետարանը քաղաքի նախկին` Արմենոպոլիս հայկական անունը գրանցել է որպես ապրանքանիշ Ռումինիայի Գյուտերի եւ ապրանքանիշերի պետական կոմիտեում: Ապրանքանիշի գրանցումը «Արմենոպոլիս» անվան նկատմամբ սեփականության եւ բացառիկ ու օրինական օգտագործման իրավունք է տալիս քաղաքի իշխանություններին:

Գեռլան և Իջևանը հանդիսանում են քույր քաղաքներ։ Քաղաքը 1700թ. հիմնել են պատմական Մոլդովայից Տրանսիլվանիա գաղթած հայերը եւ անվանել Արմենոպոլիս: Այն ստացել է թագավորական ազատ քաղաքի կարգավիճակ եւ երկար ժամանակ կառավարվել հայերի կողմից, հայկական օրենքներով: Քաղաքում հայերի թիվը կտրուկ նվազել է առաջին համաշխարհային պատերազմից հետո: 1989թ. ռումինական հեղափոխությունից հետո Գեռլայում սկսեց զարթոնք ապրել հայկական կյանքը: Այսօր այնտեղ գործում են Տրանսիլվանիայի Հայոց միությունը, մշակույթի տունը, թաղական խորհուրդը:

Այս թեմայով «Շատ հարցեր կան՝ օրինակ՝ ինչո՞ւ են ՀՀ-ում դժգոհ Սփյուռքի ազդեցությունից 44-օրյայի ընթացքում»․Սինանյան (տեսանյութ) ՔՊ վարչության նիստում քննարկվել են Սիսիանի ավագանու «Քաղաքացիական պայմանագիր» խմբակցության աշխատանքներին առնչվող հարցեր Քննարկվել է Հայաստան-Ֆրանսիա համագործակցության օրակարգային հարցեր Քննարկվել են ԿԳՄՍ բոլոր ուղղություններով Հայաստանի և Լատվիայի միջև համագործակցության հեռանկարները Միրզոյանը և ՄԱԿ-ի Զբոսաշրջության կազմակերպության քարտուղարը քննարկել են համագործակցային հարցեր Քննարկվել է Հարվարդի համալսարանի՝ հայագիտությամբ հետաքրքրվող ուսանողների համար ամառային դպրոցներ կազմակերպելու հնարավորությունը ԵՄ-ի հետ մերձեցման և վիզայի չեղարկման բանակցությունները ՀՀ-ի որոշումն է և չի քննարկվել Մոսկվայի հետ․ Զախարովա Քննարկվել են Հայաստանի և Ֆրանսիայի ԱԳՆ-ների միջև համագործակցության նոր հնարավորությունները Պատրաստ ենք Իրանի հետ անվտանգության խորհրդի գծով փոխգործակցության ընդլայնմանը․ Շոյգու Քննարկվել են Հայաստանի և ԱՄԷ-ի միջև ապրանքաշրջանառության ծավալների ավելացման հեռանկարները