Հայաստանում առաջին անգամ ցուցադրվեցին Անահիտ աստվածուհու բրոնզաձույլ գլուխն ու ձեռքը

Հայաստանի պատմության թանգարանում տեղի ունեցավ «Մայր աստվածություն.Անահիտից Մարիամ» ցուցադրության բացման արարողությունը, որի շրջանակներում Հայաստանում առաջին անգամ ցուցադրվում են հեղինակավոր Բրիտանական թանգարանից տեղափոխված Անահիտ աստվածուհու հայտնի բրոնզե արձանի գլուխը և ձեռքը։

«Ցուցահանդեսի շրջանակում հնարավորություն ունենք մեր գործընկեր Բրիտանական թանգարանի հետ երկարատև համագործակցության արդյունքում ՀՀ-ում տեսնել 19-րդ դարի 70-ական թթ. պատմական Հայաստանից գտնված և Անահիտ դիցուհուն վերագրվող բրոնզե արձանից պահպանված դեմքը և ձեռքը»,- լրագրողների հետ զրույցում ասաց Հայաստանի Պատմության թանգարանի տնօրեն Դավիթ Պողոսյանը։

Թանգարանի հնագիտության և դրամագիտության բաժնի գիտաշխատող, ֆոնդապահ Արմինե Զոհրաբյանը սա համարում է նշանակալի իրադարձություն` ընդգծելով, որ Բրիտանական թանգարանը շատ քիչ դեպքերում է համաձայնում առարկաներն ինչ-որ մի տեղ ուղարկել։

«Բրիտանական թանգարանի աշխատակիցը հոդված է հրապարակել, թե ինչպես է Անահիտի արձանը հայտնվել իրենց մոտ։ Մի գյուղացի է գտել, տարել Կ.Պոլիս, այնտեղ ձեռքից ձեռք է անցել, հետո հայտնվել է օսմանյան ներկայացուցչի ձեռքում` Իտալիայում, ապա նա աճուրդի է հանել։ Արձանը գնել է իտալացի ոսկերիչ, և Իտալիայի կառավարությունն ամեն ինչ արել է, որ տանի Իտալիա, բայց Բրիտանական թանգարանն է ձեռք բերել։ Ամենուրեք շեշտվում է, որ սա հայտնաբերվել է Հայաստանից։ Այո՛, պատմական Հայաստանի` Փոքր Հայքի տարածքում` Եկեղյաց գավառում է հայտնաբերվել, որը Անահիտի սրբավայրն է հանդիսացել»,- մանրամասնեց գիտաշխատողը։

Նշենք, որ ցուցահանդեսի շրջանակում ներկայացված են նաև թանգարանի հավաքածուից մի շարք ցուցանմուշներ, որոնք ամփոփում են Մայր աստվածության գաղափարը` նեոլիթյան ժամանակաշրջանից մինչև մեր օրեր։

Ցուցահանդեսը կտևի մինչև մարտի 21-ը։

Այս թեմայով Լապշինին Հայաստանում ասել են՝ իրեն ազատությունից զրկում են Ադրբեջանի պահանջով՝ Արցախ այցելելու համար. Մելիքյան Այսօր տեղի կունենա Անահիտ աստվածուհու բրոնզաձույլ արձանի ցուցահանդեսը Հայաստանում ԵՄ պատվիրակությունը շնորհավորել է հայ ժողովրդին Հազարագյուղի պեղավայրում Անահիտ աստվածուհու դիմանկարով ածխացած խնձոր է հայտնաբերվել Ռուբեն Վարդանյանը Բաքվի բանտից ևս մեկ անգամ վերահաստատեց իր հավատը հայ ժողովրդի ապագայի նկատմամբ․ Դավիթ Մանուկյան Վլադիմիր Պոզները վերադառնում է ռուսական «Առաջին ալիք» Ամերիկահայ կինոռեժիսոր Մայքլ Գյուրջյանը ցանկանում է Հայաստանում ևս մեկ ֆիլմ նկարել Վահե Ղազարյանը եւ Հայաստանում Ղազախստանի դեսպանը քննարկել են համագործակցության ուղղությունները Մայր Աթոռ Սուրբ Էջմիածնից 1-ին անգամ Սուրբ Ստեփանոս եկեղեցի կբերվի Ստեփանոս Նախավկայի Մասունքը Հայաստանում Արեւմտյան Նեղոսի տենդի վարակման դեպքեր են գրանցվում, կան մահեր