Ռուսաստանը հրաժարվել է մասնակցել Ուկրաինայի հարցով խաղաղության գագաթնաժողովին․ Զախարովա

ՌԴ ԱԳՆ պաշտոնական ներկայացուցիչ Մարիա Զախարովան, պատասխանելով Ուկրաինայի նախագահ Վլադիմիր Զելենսկու՝ խաղաղության գագաթնաժողով անցկացնելու նախաձեռնության մասին հարցին, հայտարարել է, որ Ռուսաստանի Դաշնությունը չի մասնակցելու այս միջոցառմանը։ Գրում է news.am-ը։

««Ժամկետանց» Զելենսկու հայտարարությունները ցանկալին իրականություն ներկայացնելու փորձ է։ Ռուսաստանի ներկայացուցիչները «բյուրգենշտոկի գործընթացի» շրջանակներում ոչ մի հանդիպման չեն մասնակցել և մտադիր չեն մասնակցել։ Այս գործընթացն ինքնին ոչ մի կապ չունի կարգավորման հետ»,- ասել է ՌԴ ԱԳՆ պաշտոնական ներկայացուցիչը։

Ըստ նրա՝ սա «անգլոսաքսերի և նրանց ուկրաինացի խամաճիկների խարդախության հերթական դրսևորումն է»։

«Այսպես կոչված երկրորդ գագաթնաժողովը հետապնդում է նույն նպատակը՝ առաջ մղել բացարձակապես անկենսունակ «Զելենսկու բանաձևը»՝ որպես հակամարտության կարգավորման միակ հիմք, հասնել համաշխարհային մեծամասնության աջակցությանը և նրա անունից Ռուսաստանին կապիտուլյացիայի վերջնագիր ներկայացնել։ Մենք չենք մասնակցի նման «գագաթնաժողովներին», - ասել է Զախարովան։

Միևնույն ժամանակ, ՌԴ ԱԳՆ պաշտոնական ներկայացուցիչը հայտարարել է, որ Մոսկվան չի հրաժարվում ճգնաժամի քաղաքական և դիվանագիտական ​​կարգավորումից և պատրաստ է քննարկել իսկապես լուրջ առաջարկներ, որոնք հաշվի են առնում «գետնի վրա» ստեղծված իրավիճակը, աշխարհաքաղաքական իրողությունները և հունիսի 14-ին ՌԴ նախագահ Վլադիմիր Պուտինի ձևակերպած համապատասխան նախաձեռնությունը։

«Առանց Ռուսաստանի և առանց նրա շահերը հաշվի առնելու, անհնար է հասնել արդար և կայուն կարգավորման։

Սակայն Կիևում և Արևմուտքում խաղաղության մասին չեն մտածում։ Նրանց պատերազմ է պետք։ Դա հաստատվում է Ուկրաինայի զինված ուժերի ավազակային ներխուժմամբ Կուրսկի շրջան և ՆԱՏՕ-ի հեռահար զինատեսակներով Ռուսաստանի խորքերը հարվածելու Զելենսկու խնդրած թույլտվությամբ։ Սա մեր երկրի բնակչության նկատմամբ ահաբեկչության շարունակությունն է։ Մենք ահաբեկիչների հետ չենք խոսելու»,- ասել է Զախարովան։

Այս թեմայով Ակնկալում եմ աշխատել Ֆրանսիայի ԱԳՆ-ի հետ տարածաշրջանում արդար խաղաղության հաստատման ուղղությամբ ՀՀ շախմատի ֆեդերացիան կոչ է արել FIDE-ին՝ թույլ տալ ռուսներին մասնակցել մրցաշարերին Ուկրաինայի ՆԳ նախկին փոխնախարարը՝ հայերի ծագումնաբանության և պատմական Հայաստանի մասին (տեսանյութ) Հայաստանի շախմատի տղամարդկանց թիմը կիսեց միավորը Ուկրաինայի հետ մրցախաղում Հայ հեծյալը Թբիլիսիում մասնակցել է աշխարհի գավաթի որակավորման փուլին Ամերիկան ու Ռուսաստանը կարող են Նիկոլից օրինակ վերցնել՝ տարածքներ հանձնեն, որ լավ ապրեն. Աշոտյան (տեսանյութ) Նիկոլ Փաշինյանը և ԱՄՆ պետքարտուղարի փոխտեղակալը քննարկել են «Խաղաղության խաչմերուկ» նախագծին վերաբերող հարցեր «Հայաստանում ռուսական հետքով հեղաշրջման լուրն աբսուրդ է, դա հատուկ թողարկված ապատեղեկատվություն է». Զախարովա (տեսանյութ) «Լավ չի ավարտվի, եթե ՀՀ-ում ՀԱՊԿ-ի և ԵԱՏՄ-ի միջև սկսեն տարբերություն դնել». Զախարովա (տեսանյութ) Ընկեր Արմեն Գրիգորյանին հիշեցնում եմ, որ ՌԴ-ն է ապահովում ՀՀ ցորենի 90%-ը, այլ ոչ թե Արևմուտքը (տեսանյութ)