Մանկավարժական համալսարանում հրդեհ է բռնկվել
Society![Մանկավարժական համալսարանում հրդեհ է բռնկվել](/timthumb.php?src=disc/01-07-24/63b5f500c2ad4dcd8465b064338e131a.jpg&w=780)
Հուլիսի 1-ին, ժամը 20:30-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Տիգրան Մեծի պողոտա 15 հասցեում՝ Երևանի պետական մանկավարժական համալսարանի ներսում գործող սննդի կետում հրդեհ է բռնկվել։
«Դեպքի վայր են ժամանել Երևանի հրշեջ-փրկարարական ջոկատներից 3 մարտական հաշվարկ և ճգնաժամային կառավարման ազգային կենտրոնի օպերատիվ խումբը։
Ըստ նախնական տեղեկությունների՝ հրդեհի հետևանքով բարեբախտաբար տուժածներ չկան։ Դեպքի վայր է ժամանել նաև Երևանի 103 շտապօգնության բժիշկների հերթապահ խումբը։ Թե ինչն է եղել հրդեհի պատճառը, պարզվում է»,- հայտնում է shamshyan.com-ը։
![](banners/armflix.jpg)