Օգոստոսի 27-ից սեպտեմբերի 2-ը ՀՀ-ում և Արցախում 3 երկրաշարժ է գրանցվել

Օգոստոսի 27-ից սեպտեմբերի 2-ը Արտակարգ իրավիճակների նախարարության Սեյսմիկ պաշտպանության տարածքային ծառայության սեյսմոլոգիական ցանցի կողմից ՀՀ-ի և ԱՀ-ի տարածքներում 2-3 բալ և ավելի ուժգնությամբ գրանցվել է 3 երկրաշարժ։ 

Օգոստոսի 30-ին Հայաստանում.

Ելփին գյուղից 10 կմ հյուսիս-արևմուտք՝ 3-4 բալ ուժգնությամբ, որը զգացվել է Վայոց ձորի մարզի Հորս գյուղում 3 բալ ուժգնությամբ:

Աշոցք գյուղից 8 կմ հարավ-արևելք՝ 4 բալ ուժգնությամբ, որը զգացվել է Շիրակի մարզի Մեծ Սեպասար, Մուսայելյան, Ամասիա, Զույգաղբյուր և Աշոցք գյուղերում` 3 բալ ուժգնությամբ:

Աշոցք գյուղից 10 կմ հարավ-արևելք՝ 2-3 բալ ուժգնությամբ։

Իսկ տարածաշրջանում գրանցվել է 3 բալ և ավելի ուժգնությամբ 2 երկրաշարժ՝

Օգոստոսի 28-ին Իրան-Թուրքիա սահմանային գոտում՝ Սալմաս քաղաքից 30 կմ հյուսիս-արևմուտք՝ 3-4 բալ ուժգնությամբ։

Օգոստոսի 31-ին Իրանում՝ Մակու քաղաքից 23 կմ հարավ-արևելք՝ 3 բալ ուժգնությամբ։

Տարածաշրջանից դուրս. 6.0 և ավելի մագնիտուդով գրանցվել է հինգ երկրաշարժ: Օգոստոսի 30-ին և 31-ին 6.5 և 6.2 մագնիտուդներով սեյսմիկ իրադարձություններ են տեղի ունեցել համապատասխանաբար Միջինատլանտյան լեռնաշղթայի և Հնդկական օվկիանոսի` Չագոս կղզեխմբի տարածքներում:

Սեպտեմբերի 1-ին 6.8 մագնիտուդով սեյսմիկ իրադարձություն է գրանցվել Չիլիի Ատակամա տարածաշրջանում` Ուասկո նահանգի Վալյենար քաղաքից 69 կմ դեպի հյուսիս-արևմուտք: Երկրաշարժին հետևել է 5 և ավելի մագնիտուդով 9 երկրաշարժ, որից երկուսն ունեցել են 6.3 և 6,5 մագնիտուդ: Երկրաշարժերի հետևանքով զոհեր և ավերածություններ չկան:

По теме Формула развития Армении с новой командой и с инновационными подходами. Артак Товмасян Артак Товмасян. Господа, пришло время пробуждения, объединитесь, действуйте ради государства!