Մելանյա Թրամփը հիմնել է Սպիտակ տան գրասենյակ․ CNN

Всемирная пресса 28 Январь, 2021 17:44

Նախկին առաջին տիկին Մելանյա Թրամփը, ըստ իր ծրագրերին ծանոթ երկու աղբյուրների, հիմնում է հետընտրական Սպիտակ տան գրասենյակ Ֆլորիդայի Պալմ Բիչ քաղաքում, գրում է CNN-ը: «Նրա նպատակն է պահպանել «Be Best» երիտասարդներին աջակցման ծրագիրը», - ասել է աղբյուրներից մեկը։ Սպիտակ տանը գտնվելու ընթացքում «Be Best» նախափեռնությունը գոյություն ուներ որպես լայն ծրագիր, որը բաղկացած էր երեխաների առողջությանը և բարեկեցությանը նպաստելուն, առցանց անվտանգությանը և սոցիալական մեդիայի կողմից բռնության կանխարգելմանը և երեխաների վրա թմրամիջոցների ճգնաժամի ազդեցությունից պաշտպանությանը: Թրամփի՝ Սպիտակ տան հետընտրական գրասենյակը բաղկացած կլինի Սպիտակ տան նրա երեք աշխատակիցներից։ Հեյլի Դ'Անտուոնոն, օրինակ, չորս տարի աշխատել է՝ որպես նախկին առաջին տիկնոջ գործառնությունների տնօրեն և ուղևորության վերահսկիչ, իսկ այժմ Թրամփի աշխատակազմի ղեկավարն է: Մարկիա Քելլին, ով Սպիտակ տանը աշխատել է՝ որպես Թրամփի ավագ խորհրդական, նա նույնպես շարունակում է մնալ հետընտրական Սպիտակ տան գրասենյակում, թեև հայտնի չէ՝ արդյո՞ք նա այժմ աշխատավարձ կստանա, թե՞ ոչ: Աղբյուրները նշում են, որ Թրամփի գրասենյակն այժմ գործում է նախկին նախագահ Դոնալդ Թրամփի անձնական ակումբում, որը նույնպես գտնվում է այնտեղ, որտեղ ապրում է նախկին առաջին ընտանիքը, և աշխատակազմի անդամները երբեմն աշխատում են հեռակա կարգով: Մելանյա Թրամփը գրասենյակային առանձին տարածք է փնտրում Palm Beach- ի տարածքում։