«Ազովստալից» 256 ուկրաինացի զինվոր է հանձնվել ռուսական կողմին (տեսանյութ)
ВидеоԱվելի քան 250 ուկրաինացի զինվորներ հանձնվել են Մարիուպոլի «Ազովստալ» գործարանի տարածքից, այդ թվում՝ 51 վիրավոր։ Այս մասին երեքշաբթի օրը հայտնել են Դոնեցկի Ժողովրդական Հանրապետության (ԴԺՀ) տարածքային պաշտպանության շտաբում, գրում է ՏԱՍՍ֊ը։
«Ընդհանուր առմամբ, Մարիուպոլի «Ազովստալ» մետալուրգիական գործարանի տարածքից 256 ուկրաինացի զինյալ է հանձնվել, գերիների թվում վիրավորների թիվը 51 մարդ է», - ասվում է շտաբի հեռագրային ալիքում։
Ներկայումս վիրավորներին բուժօգնություն է ցուցաբերվում, հավելել են շտաբից։
Ավելի վաղ ՌԴ ՊՆ-ն հայտնել էր, որ երկուշաբթի օրը պայմանավորվածություն է ձեռք բերվել «Ազովստալի» տարածքում արգելափակված ուկրաինացի զինվորականների ներկայացուցիչների հետ՝ ուկրաինացի վիրավոր զինծառայողներին գործարանից դուրս բերելու վերաբերյալ։ ՌԴ ՊՆ-ն նաև նշել է, որ ձեռնարկության տարածքում լռության ռեժիմ է մտցվել և մարդասիրական միջանցք է բացվել, որով վիրավոր ուկրաինացի զինծառայողները տեղափոխվում են Դոնեցկի Ժողովրդական Հանրապետության Նովոազովսկի բուժհաստատություն և նրանց տրամադրվում է ողջ անհրաժեշտ օգնությունը։ Ուկրաինական կողմը հայտնել է, որ մայիսի 16-ին 53 ծանր վիրավոր ուկրաինացի զինվորներ «Ազովստալից» տարհանվել են ԴԺՀ-ի կողմից վերահսկվող տարածք՝ Նովոազովսկ, իսկ 211 ուկրաինացի զինվոր հումանիտար միջանցքով տեղափոխվել է Ելենովկա (ԴԺՀ):
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
