Աղջիկն առևանգել է նախկին ընկերոջը և ստիպել նրան ամուսնանալ իր հետ

Հնդկաստանի հարավային մասում գտնվող Չեննաի (Թամիլնադ) մեգապոլիսում արտասովոր դեպք է տեղի ունեցել, որը ապշեցրել է տեղացիներին։ DT Next-ի փոխանցմամբ՝ 27-ամյա երիտասարդ կինն առևանգել է իր նախկին զուգընկերոջը՝ փորձելով ստիպել նրան վերադառնալ և, հնարավոր է, նույնիսկ ամուսնանալ իր հետ, գրում է Lenta–ն։

Հաղորդվում է, որ հնդիկ աղջիկը մի քանի տարի հարաբերությունների մեջ է եղել 31-ամյա տղամարդու հետ, սակայն 2022 թվականի վերջին նրանք բաժանվել են։ Նշենք, որ Հնդկաստանի բնակչուհու նախկին սիրեցյալն ավելի ուշ նոր սիրելի է գտել, ում հետ ամուսնացել է։

Սակայն երբ աղջիկն իմացել է իր նախկին ընտրյալի հարսանիքի մասին, կատաղել է։ Ի վերջո, նա մոր, հորեղբոր և հորեղբոր հետ որոշել է առևանգել տղամարդուն։ Նրանց ծրագիրն էր ստիպել տղամարդուն վերադառնալ աղջկա մոտ:

Պատմությունն ավելի տարօրինակ ընթացք է ստացել, երբ նրանք տղամարդուն բռնել են վերջինիս տան մոտ և բառացիորեն բռնի ուժով նստեցրել մեքենան։ Տեղի ունեցածին ականատես է եղել տղամարդու մայրն ու փորձել կանգնեցնել առեւանգողներին։ Սակայն երիտասարդ կինը և նրա հարազատները վճռական են տրամադրված եղել և սկսել են հարձակվել կնոջ վրա։ Անհանգստանալով սեփական անվտանգության համար՝ նա ոստիկանություն է կանչել։

Ի վերջո, առևանգողները նրան տարել են տաճար, որտեղ, ըստ աղբյուրների, ստիպել են 31-ամյա տղամարդուն նախկին հարսնացուին հագցնել մանգալսուտրա՝ վզնոց , որը հարսանիքի ժամանակ փեսացուն տալիս է հարսնացուին՝ հինդուական սովորույթներին համապատասխան։

Հայտնի է դարձել, որ աղջիկը և նրա հարազատները ձերբակալվել են։ Միջադեպը ներկայումս գտնվում է լրացուցիչ հետաքննության փուլում: