Հոլի Բերին 8000 դոլար կվճարի նախկին ամուսնուն՝ որպես երեխայի ալիմենտ

Досуг 25 Август, 2023 0:59

Դերասանուհի Հոլի Բերին վերջնականապես ավարտել է նախկին ամուսնուց՝ Օլիվիե Մարտինեսից ամուսնալուծության գործընթացը՝ ութ տարի տեւած դատավարությունից հետո։ Այս մասին հայտնում է USA Today-ը։

Դատարանի որոշմամբ նախկին ամուսինները համատեղ կիրականացնեն 9-ամյա որդու՝ Մատեոյի օրինական և ֆիզիկական խնամակալությունը։ Հոլի Բերին Օլիվիե Մարտինեսին կվճարի 8000 դոլար՝ որպես ալիմենտ և 2 միլիոն դոլարից ավելի եկամտի 4,3 տոկոսը:

Դերասանուհին կվճարի նաև Մատեոյի մասնավոր դպրոցի ուսման վարձը, արտադպրոցական գործունեության, առողջության ապահովագրության և դրա մեջ չներառված բոլոր բժշկական ծախսերի 100%-ը։ Բացի այդ, Հոլի Բերին համաձայնվել է 55,000 դոլար վճարել Մարտինեսի փաստաբաններին:

Նախկին ամուսինները մշակել են ժամանակացույց, ըստ որի ծնողներից յուրաքանչյուրը կես շաբաթ կանցկացնի Մատեոյի հետ, իսկ հանգստյան օրերին տղան հերթով կապրի մոր կամ հոր հետ։ Կա ևս մեկ կարևոր պայման՝ երբ Մատեոն գտնվի խնամակալներից մեկի տանը, նրան թույլատրվում է քնելուց առաջ մեկ հեռախոսազանգ կամ տեսազանգ ունենալ մյուս խնամակալի հետ, բայց դա «չպետք է գերազանցի տասնհինգ րոպեն»։

Հոլի Բերին և Օլիվյե Մարտինեսն ամուսնացել են 2013 թվականի հուլիսին, իսկ հարսանիքից չորս ամիս անց ծնվել է նրանց որդին՝ Մատեոն։ 2015 թվականի հոկտեմբերին զույգը ամուսնալուծության հայց է ներկայացրել։ Հոլի Բերին ամուսնացել է երաժիշտ Վան Հանթի հետ 2022 թվականին։