«Հրապարակ». Իշխանությունը նոր արշավ է պատրաստո՞ւմ Եկեղեցու դեմ
Армянская пресса
«Հրապարակ» թերթը գրում է. «Նախօրեին ՔՊ գրասենյակում Նիկոլ Փաշինյանի գլխավորությամբ հերթական կուսակցական քննարկումն է տեղի ունեցել՝ «պետություն-հայրենիք» թեմայով։ ՔՊ-ականներն աշակերտների պես հուզական ելույթներ են ունեցել` պատմելով, թե ինչու են սիրում պետությունը, որն է իրենց համար պետությունը, որն է հայրենիքը եւ այլն։ Նիկոլ Փաշինյանը ժամանակ առաջ է թիմում այս հարցը դարձրել օրակարգային եւ ամեն ինչ անում է, որ ՔՊ-ականներին հանգեցնի այն մտքին, որ հարկավոր է հրաժարվել Անկախության հռչակագրից, քանի որ դա խանգարում է պետություն ունենալու ՔՊ տեսլականին։
Նախօրեի հավաքին այլ թեմա էլ է արծարծվել․ շարքային ՔՊ-ական Արմեն Խոջոյանը Հայ առաքելական եկեղեցու դեմ է ելույթ ունեցել` նշելով, որ չնայած մեր պատմության որոշ փուլերում պետության գործառույթը եկեղեցին իր վրա է վերցրել, սակայն այսօր եկեղեցու դերը պետք է զրոյացնել, բարձրացնել պետական ինստիտուտների նկատմամբ հարգանքը։
Հիշեցնենք, որ փետրվարի 10-ից Հայ առաքելական եկեղեցու դեմ նոր արշավ են ուզում սկսել` ինչ-որ անհայտ «Վարդանանք» շարժման անվան տակ: Ֆեյսբուքում օրեր առաջ հայտարարություն էին տեղադրել, որ շուրջօրյա նստացույցեր են անելու Մայր Աթոռի բակում: Կան տեղեկություններ, որ այս շարժման նախաձեռնողների մեջ են 2019-ին եկեղեցու դեմ պայքարի ելած «Նոր Հայաստան, նոր հայրապետ» շարժման ակտիվիստները, այդ թվում՝ իշխանական պատգամավորներ»:
Самое популярное 
Захарова: МИД России направил Армении ноту протеста после посещения армянской делегацией Бучи
