Մահացածներից մեկը 31-ամյա կին է, ով ծննդաբերել էր 5 օր առաջ

Մայիսի 25-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 7113 դեպք, որոնցից 3145-ն` առողջացած, 87-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 3842 պացիենտ: Ընդհանուր առմամբ, կատարվել է 51594 թեստավորում:

Այսպիսով` ունենք կորոնավիրուսային հիվանդությամբ հաստատված 452 նոր դեպք և 81 առողջացած։

Մահվան դեպքերի վերաբերյալ հայտնում ենք, որ պացիենտները եղել են 85 (կին), 61 (տղամարդ), 58 (տղամարդ), 69 (տղամարդ), 86 (կին), 67 (տղամարդ) տարեկան և ունեցել են ուղեկցող քրոնիկական հիվանդություններ:

Նախորդ օրը արձանագրվել է մահվան 6 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 39 է:

Նշենք, որ այլ պատճառով մահերից մեկը, ցավոք, մայրական մահ է։ 31-ամյա կնոջ մոտ ծննդաբերությունից 5 օր անց, նախնական ախտորոշմամբ, զարգացել է թոքային զարկերակի թրոմբոէմբոլիա, ինչի հետևանքով կինը հանկարծամահ է եղել։ Մահվան վերջնական պատճառը պարզ կլինի դատաբժշկական փորձաքննությունից հետո։ Նշենք, որ սա այս տարվա մայրական մահվան առաջին դեպքն է։

Այս թեմայով Աշխարհում մեկ շաբաթվա ընթացքում կորոնավիրուսով վարակման դեպքերի թիվն աճել է 5% -ով Առաջին COVID֊ով հիվանդը, որը կարող էր պատասխաններ ունենալ բռնկման աղբյուրի վերաբերյալ, դեռևս կորած է․ The Jerusalem Post ԱՆ-ն խորհուրդ է տալիս հնարավոր բոլոր դեպքերում աշխատանքն իրականացնել առցանց եղանակով Հայաստանում հաստատվել է COVID-19-ի 107 նոր դեպք․ ապաքինվել է 34, մահացել 3 քաղաքացի «Անչափահաս երեխաների միայնակ մայրը վարակվել է կորոնավիրուսով ու հրատապ օգնության կարիք ունի» Վերջին 1 օրում գրանցվել է կորոնավիրուսով վարակման 73 դեպք, ապաքինվել է 187 մարդ Մահվան դուռն ես գնում, գալիս. դիմանալու չի. կորոնավիրուսից բուժվող Հովհաննես Մեքինյանի պատմությունը (տեսանյութ) Մեր որոշ հայրենակիցներ շարունակում են լուրջ չընդունել իրավիճակը. վարչապետ Ընտանիքի մոտ COVID-19 է հաստատվել, ունեն թոքաբորբ, բայց ասել են՝ տեղ չկա