«Հրապարակ». Գոգյան-Թամրազյան «առերեսումը» թեժ է անցել

«Հրապարակ» թերթը գրում է. «ԱԺ կրթության, գիտության , մշակույթի ե ւ սպորտի մշտական հանձնաժողովում ԿԳՄՍ փոխնախարար Գրիշա Թամրազյանի եւ ԲՈԿ նախկին նախագահ Սմբատ Գոգյանի նախօրեի «առերեսումն» անցել է բավականին բուռն մթնոլորտում։ Հանձնաժողովի նախագահ Մխիթար Հայրապետյանը, ով նախարար Արայիկ Հարությունյանի գլխավոր մրցակիցն է, եւ նրանց ջրերը մի առվով չեն հոսում, իմքայլական պատգամավորների հետ նեղն է գցել փոխնախարարին, ով, ի դեպ, խոստովանել է, որ Գոգյանի հետ հանդիպումն ինքն է նախաձեռնել, սակայն ասել է, թե դա «տղայական ռազբորկա» չի եղել, ինչպես մամուլն է ներկայացրել։ ԱԺ հանձնաժողովականները դուրս են եկել Գոգյան-Թամրազյան հակամարտության շրջանակից եւ նախարարության ներկայացուցչին մեղադրանքներ առաջադրել իրավիճակին չտիրապետելու եւ ոլորտը բախտի քմահաճույքին թողնելու համար։ Ուշագրավ է, որ նախապես Մխիթար Հայրապետյանը հայտարարել էր, թե հանձնաժողովի արտահերթ նիստը դռնբաց է լինելու, բայց նիստից ժամեր առաջ, ըստ որոշ տեղեկությունների, նախարար Հարությունյանի ջանքերով որոշել էին այն փակ անցկացնել, որպեսզի ծածկադմփոց անեն նախարարությունում տիրող թայֆայական մթնոլորտը եւ հովանավորչությունը Տնտեսագիտական համալսարանի ռեկտորի տեղապահ Դիանա Գալոյանի նկատմամբ, որի ատենախոսությունը Գոգյանն արտագրված է համարում։ Հանձնաժողովի անդամ, իմքայլական պատգամավոր Արսեն Ջուլֆալակյանը, որը մասնակցել է դռնփակ նիստին, երեկ լրագրողների հետ զրույցում ասաց, որ, իհարկե, կուզենար՝ նիստն անցկացվեր դռնբաց, ու հանրությանը հուզող պատասխանները մարդիկ իմանային. «Ընթացքում պարոն փոխնախարարն իր ելույթի մեջ այնպիսի հարցեր շոշափեց սպորտի մասին, որ չեմ կարող չանդրադառնալ, դրանք փակ էլ չեն: Խոսվեց աշխատանքի թափանցիկության մասին: Սպորտը համակարգում է կես տարուց ավելի եւ ոչ մի անգամ մամուլի ասուլիս չէր տվել: Պետք է հաշվետվողականություն լինի, ու եթե չկա ասուլիս, պարզ է, որ կա զրո հաշվետվողականություն»:

Այս թեմայով Կունենա՞ Ավստրիան հայկական արմատներով նախագահ, և ի՞նչ վտանգ կա թուրք ընտրողներից․ տեսակետ՝ Վիեննայից ԲՈԿ-ի կայքից կորել են պաշտպանության գործընթացի հետ կապված նյութերը. Գոգյան Դպրոցականների 40%-ը մաթեմատիկայից ստացել են անբավարար գնահատական. Գոգյան Իմ տեսակը հանձնվողներից չէ․ Գրիշա Թամրազյանը՝ հրաժարականի պատճառների մասին Արայի՛կ, արժե արձակուրդ վերցնել, հանգստանալ, ցավոք, դու գլուխ գովալու շատ բան չունես. Սմբատ Գոգյան Մաթեմատիկայի միջազգային օլիմպիադան կանցկացվի սեպտեմբերին՝ օնլայն. Սմբատ Գոգյան Արայիկ Հարությունյանը՝ Սմբատ Գոգյանի աշխատանքից ազատման դիմումի մասին Տեղեկություն է պտտվում, թե իբր փոշմանել եմ և որոշել մնալ ու պաշտոնավարել ԲՈԿ-ում. սուտ է. Գոգյան «Իրատես». Գոգյանի ու Թամրազյանի մասնակցությամբ փակ նիստ գումարելու հրահանգ Փաշինյանն է տվել Երեք օր հրաժարականիցս արդեն անցել է, հնարավոր չէ հետ վերցնել. Սմբատ Գոգյան (տեսանյութ)