Բավակա՛ն է ստեք. առողջ վարակակիրը «դեպք» չէ. Արմեն Այվազյան

Блогосфера 4 Июнь, 2020 15:02

Պատմաբան, քաղաքագիտության դոկտոր Արմեն Այվազյանն իր ֆեյսբուքյան էջում գրում է.

«Ի՞նչ է նշանակում՝ այսօր «նոր կորոնավիրուսով վարակվելու 697 նոր դեպք է գրանցվել»։ Այս ձևակերպումը լկտի աճպարարություն է, որովհետև Հայաստանում նոր (կամ արդեն հին) կորոնավիրուսային վարակն առկա է տասնյակ ու հարյուր հազարավոր քաղաքացիների մեջ։ Այս են հաստատում համաշխարհային հռչակ ունեցող բոլոր վարակաբանների տեսակետները, ըստ որոնց՝ այդ վարակը կպնելու է գրեթե բոլորին, ըստ, օրինակ, Վ. Զվերևի՝ մարդկանց շուրջ 70 տոկոսին։

Անյպես որ՝ պարետատան այսօր ներկայացրած վիճակագրությունն իրականում սարսափելի տվյալներ չի պարունակում։ Թող ասեն (անուններո՛վ), թե այդ 697 «դեպքից» քանիսն են թոքաբորբ տանում։ Չեն ասում, որովհետև նրանցից նույնիսկ 30-ը թոքաբորբ չունի։

Եթե նույնիսկ առաջնորդվենք Ն. Փաշինյանի սխալ ու անհիմն տվյալներով, ապա մայիսի 27-ին Հայաստանում կար արդեն շուրջ 7,000 չբացահատված վարակակիր։ Ուրեմն ինչո՞ւ են այդքան զարմացել, որ իրենց անվստահելի թեստերով 697 «դեպք» են հայտնաբերել։

ԵԶՐԱԿԱՑՈՒԹՅՈՒՆ. այժմ հայկական եթերում գործ ունենք պետական մակարդակով իրականացվող տեղեկատվական ահաբեկչության, իսկ հանրապետության ամբողջ տարածքում՝ մարդու բնական իրավունքները ոտնահարող զանգվածային բռնությունների հետ։ Հայաստանը ենթարկվել է ամբողջական հարձակման սեփական իսկ կառավարության կողմից»։