Նման հայտարարությունները միմիայն բացասական հետք են թողնում կողմերի վրա. Արցախի «Արդարություն» կուսակցություն
НК
Արցախի «Արդարություն» կուսակցության քաղաքական հայտարարություն է տարածել ի պատասխան Հայաստանի եւ Ադրբեջանի հարցերով Եվրախորհրդարանի համազեկուցողների:
Հայտարարությունում ասվում է.
«Հարգելի Տիկնայք եւ Պարոնայք
Կրկին հորդորում ենք չաղավաղել պատմա - իրավական ճշմարտությունները եւ չտրվել Լեռնային Ղարաբաղ եւ դրա շրջակա տարածքներ բառախաղին, որովհետեւ խոսքը Արցախի Հանրապետության մասին է։
Ավելի քան 30 տարի մենք պայքարում ենք մեր ազգային ինքնորոշման իրավունքի համար եւ երբեւէ օկուպանտներ չենք եղել, երբեք ցեղասպանություններ չենք կազմակերպել։ Մեզ պարտադրված պատերազմի արդյունքում ազատագրել ենք մեր հայրենիքի միայն ու միայն մի հատվածը, որը ամենաչնչին երաշխիքն է Արցախի խաղաղ ժողովրդի անվտանգության համար։
Խնդրին ակնհայտորեն չտիրապետելու կամ Ադրբեջանական լոբբիստների ազդեցության տակ ընկնելու արդյունքում փորձ է կատարվում խոչնդոտելու մեր անվտանգության երրրորդ ճանապարհի շինարարությունը Հայաստանի հետ, որն այսօր մեր անվտանգության երաշխավորն է։ Մենք մեկ անգամ չէ, որ կրկնել ենք՝ Հայաստանի Հանրապետությունը Արցախի Հանրապետության անվտանգության երաշխավորն է։
Այդ անվտանգության մեջ են մտնում նաեւ ժողովրդավարությունը, մարդու իրավունքների պաշտպանության խնդիրը, մարդու ազատ տեղաշարժի իրավունքը։ Արդյոք այս հասկացությունները եվրոպական արժեք չեն։
Իսկ Ադրբեջանից թույլտվությունը հավասարազոր է, որ 2016-ի ապրիլյան պատերազմի նախօրեին Ադրբեջանը մեզնից թույլտվություն հայցեր մեր դեմ պատերազմ սկսելու մասին։
Արցախի «Արդարություն» կուսակցությունը համոզված է, որ նմանատիպ հայտարարությունները միմիայն բացասական հետք են թողնում կողմերի վրա։
Պահանջում ենք, վերանայել հապճեպ հայտնած տեսակետը եւ հետագայում չարտահայտել այնպիսի տեսակետ, որը կբխի միայն ու միայն Ադրբեջանի շահերից։
Самое популярное 
В Норатусе за сутки погибли двое мужчин – вследствие взрыва и огнестрельного ранения
