ԵԱՀԿ ՄԽ համանախագահների այցը տարածաշրջան տեղի կունենա օդային հաղորդակցության վերականգնումից հետո. Աննա Նաղդալյան

ԵԱՀԿ Մինսկի խմբի համանախագահների այցը տարածաշրջան տեղի կունենա օդային հաղորդակցության վերականգնումից հետո: Այս մասին հուլիսի 18-ին ճեպազրույցի ժամանակ ասաց ՀՀ արտաքին գործերի նախարարության մամուլի քարտուղար Աննա Նաղդալյանը:

«Միջնորդների հետ կապը մշտապես պահպանվում է, նրանք օպերատիվ կերպով տեղեկացվում են տարածաշրջանում ամեն ինչի մասին: Ինչ վերաբերում է համանախագահների այցերին, ապա դրանք դադարեցվել են կորոնավիրուսի համավարակի պատճառով: Հուսով ենք, որ օդային հաղորդակցությունը վերականգնելուն պես այցը տեղի կունենա»,- ասաց Աննա Նաղդալյանը:

Պատասխանելով իրավիճակի կարգավորմանը միջնորդների մասնակցության եւ ռուսական նոր նախաձեռնության առկայության մասին հարցին՝ ԱԳՆ ներկայացուցիչն ընդգծեց, որ գործընթացում ներգրավված են ԵԱՀԿ Մինսկի խմբի համանախագահները, մասնավորապես՝ ռուսաստանցի համանախագահը: Նրա խոսքերով՝ շփումներ են եղել զինվորականների մակարդակով: «Առայժմ այսքանը կարող եմ ասել: Մեր առաջնահերթությունը էսկալացիան դադարեցնելն է եւ իրավիճակի նորմալացման խոչընդոտները վերացնելը»,- ասաց նա:

ԱԳՆ ներկայացուցիչը արձանագրեց, որ հուլիսի 12-ին իրավիճակի սրման ընթացքում Հայաստանի եւ Ադրբեջանի միջեւ հաստատված օպերատիվ կապը չի օգտագործվել: «Սրացումը լայնածավալ էր եւ հանկարծակի, գերադասեցինք դիմել միջնորդներին»,- ասաց մամուլի քարտուղարը:

Միաժամանակ, նա ընդգծեց ԵԱՀԿ մոնիթորինգները վերսկսելու կարեւորությունը եւ հույս հայտնեց, որ դրանք կվերսկսվեն, հենց որ թույլ տան կորոնավիրուսի համավարակի հետ կապված սահմանափակումները: «Բայց մեզ համար կարեւոր է ոչ միայն մոնիթորինգներ անցկացնելը, այլեւ ԵԱՀԿ գործող նախագահի անձնական ներկայացուցչի առաքելությունն ընդլայնելը: Այս մասին խոսել են նաեւ ԵԱՀԿ Մինսկի խմբի համանախագահները»,- նշեց Աննա Նաղդալյանը:

Այս թեմայով Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի հետ կապված դեպքի մասին (տեսանյութ) Ես Աննա Հակոբյանի հետ չեմ հայտնվում ինչ-որ տեղ, ես այցելում եմ մանկատներ. գլխավոր դատախազ (տեսանյութ) Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Աննա Վարդապետյան ԵՄ դեսպանին հրավիրել եմ ներկա գտնվելու Աշոտյանի դեմ քաղաքական դատավարությանը․ Աննա Մկրտչյան Ի՞նչ է ուզում ԱԺԲ-ն. Փաշինյանի ամերիկյան տերերը դժգո՞հ են նրանից. «Հրապարակ» Աղդամցի Ալենի պատվի և արժանապատվության կորսված լինելու հարցը դեռևս օդում կախված է. Աննա Մկրտչյան (տեսանյութ) «Ծիծեռնակաբերդ»-ում Աննա Հակոբյանի և դստեր դեպքով քննչականում քրեական վարույթ է նախաձեռնվել․ կան ձերբակալվածներ «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում Աննա Հակոբյանը Գյումրի կատարած այցից լուսանկարներ է հրապարակել Աննա Հակոբյանը գնացքով գնում է Գյումրի