ԲԴԽ դատավոր անդամի թափուր տեղի համար 3 թեկնածու է առաջադրվել. ընտրվելու է միայն 1-ը

Դատական դեպարտամենտի ղեկավարի կողմից սույն թվականի հուլիսի 9-ին ծանուցագրեր են ուղարկվել Բարձրագույն դատական խորհրդի դատավոր անդամ ընտրվելու իրավունք ունեցող Վճռաբեկ դատարանի քաղաքացիական և վարչական պալատի 9 դատավորի:

Վճռաբեկ դատարանի քաղաքացիական և վարչական պալատից ստացվել է Բարձրագույն դատական խորհրդի դատավոր անդամի թեկնածուների 6 դիմում՝ իրենց անունները քվեաթերթիկում չներառելու մասին:

Ըստ օրենքի՝ իրենց բոլորի անունները ներառվել են, բայց 6-ը ինքնաբացարկ են ներկայացրել, այսինքն խնդրել են իրենց անունները հանել ցուցակից և, ովքեր մնում են, ավտոմատ իրենց անունները ներառվում են: Համապատասխան ժամկետ կա, մինչև այդ ժամկետի ավարտը իրավունք ունեն ինքնաբացարկ ներկայացնելու:

Դատական դեպարտամենտի ղեկավարի կողմից Բարձրագույն դատական խորհրդի դատավոր անդամի թափուր տեղի ընտրության քվեաթերթիկում ներառվել են 3 դատավորներ՝ Սուրեն Անտոնյանը, Գոռ Հակոբյանը, Ստեփան Միքայելյանը:

Դատական օրենսգրքի համապատասխան օրենքի կարգավորումների ուժով ղեկավարի կողմից ծանուցագրեր են ուղարկվում դատավոր անդամ ընտրվելու իրավունք ունեցող Վճռաբեկ դատարանի համապատասխան պալատի 9 դատավորի: Ստացվել է դատավոր անդամի թեկնածուների 6 դիմում, որոնք իրենց դիմումով ցանկություն են հայտնել՝  իրենց անունները քվեաթերթիկում չհայտնվի, հետևաբար, 9-ից հանել են 6-ին, քվեաթերթիկում ներառվել է 3 դատավորի անուն:

Նշենք, որ դատավոր անդամի ընտրությունները տեղի կունենան հուլիսի 31-ին:

Արփինե Հակոբյան