«Համայնքը սոված կոտորվում է, շահագործե՛ք Ամուլսարի հանքը». բողոքի ակցիա՝ կառավարության դիմաց

«Պարո՛ն վարչապետ, խնդրում ենք, մենք Ձեզ հավատում ենք, եթե հնարավոր է` իջե՛ք, մեզ լսե՛ք, պատասխան տվե՛ք: Մենք մեր հողի վրա ապրել ենք ուզում, մենք մեր թշնամին չենք, հայ ենք, արարող, ստեղծող մարդիկ ենք»,- ասաց «Լիդիան Արմենիա»-ի աշխատակիցներից մեկը՝ կառավարության դիմաց բողոքի ակցիայի ժամանակ:

Աշխատակիցների պահանջը կառավարությունից մեկն է՝ գործարկել Ամուլսարի հանքի շահագործումը, քանի որ  արդեն երկու տարի է՝ գործազուրկ են: Բնակիչներից մեկն էլ նշեց, որ 60-70% աշխատում էին այն ժամանակ, իսկ շահագործումից հետո փաստացի գործազուրկ են:

«Մենք պահանջում ենք կառավարությունից մեր խնդրին լուծում տալ: Ես ասում եմ աշխատող մարդիկ ենք ու կառավարության դեմ չենք պայքարում, իսկ ոստիկանները եկել, ասում են բերման ենք ենթարկելու: Ամբողջ համայնքը սոված կոտորվում է, եկել ասում ենք մեր աշխատանքի իրավունքը վերականգնեք»,-ասաց «Լիդիան Արմենիա»-ի աշխատակից Նարեկ Հովհաննիսյանը:

Ըստ աշխատակիցների՝ իրենք երկու տարի լուռ սպասել են. «Մոտ 2000 հոգի պայքարում են նույն խնդրի համար, մնացել ենք առանց աշխատանքի: Վախի մթնոլորտ է տիրում երկրում. վերացրե՛ք և կտեսնեք իրական պատկերը: Մենք ցուցարար ու բարձ գոռացող չենք: Մարդիկ տները թողել, գնացել են ուրիշ երկիր, որովհետև ապրելու այլ միջոց չունեն: Մենք մեր վարչապետին շատ հարգում ենք, շնորհակալ ենք շատ, որ ազատեց այն ռեժիմից, որի մեջ գտնվում էինք»,- նկատեց Նարեկը:

Աշխատակիցները մտահոգված են, եթե վարչապետը այցելեց, ասաց, որ իրավական ոչ մի փաստ չկա Ամուլսարը փակելու, ուրեմն ինչ իմաստ ունի այսքան ձգձգելը, ինչի հետ է կապված. «Դա քաղաքական բնույթ է կրում, հասկանում ենք, թե ովքեր են դեմ, ինչու են դեմ, պարոն Փաշինյանն էլ դա գիտի: Հենց հիմա մեզ ասեք՝ ինչ ենք անելու, մարդիկ սոված կոտորվում են, եկել, հասել են էստեղ, որ լուծվի այս խնդիրը»,- նկատեց աշխատակիցը: 

Բողոքի ակցիայի մասնակիցները պնդում են՝ մարդիկ չգիտեն՝ ինչի համար իրենք հիմա չեն աշխատում:

«Ամուլսարը փակելով՝ ուր կհասնի մեր երկիրը. թշնամիները հարստանում են, մենք՝ սնանկանում»,- ասաց «Լիդիան Արմենիա»-ի աշխատակիցներից մեկը:

Այս թեմայով Ստեղծել ազգային փրկության ժամանակավոր կառավարություն․ հայտարարություն Չի կարող աշխարհում լինել մեկ այլ խելագար կառավարություն, որ փորձի սահմաններում հետ քաշվի, երբ իր երկրի հսկայական հատվածներ օկուպացված են. Գեղամ Մանուկյան Ապրիլի 25-ի դրությամբ հայ–ադրբեջանական սահմանին տեղադրվել է թվով 20 սահմանային սյուն․ ՀՀ կառավարություն Ինչպես Կառավարության շենքից «անհետացան» Տավուշի սահմանամերձ համայնքների ղեկավարները (տեսանյութ) Տավուշի վարչական ղեկավարները կանչվել են կառավարություն. Բագրատ Սրբազան Ուկրաինան թշվառ մահով կմեռնի Արևմուտքի շնորհիվ․ ԱՄՆ հետախուզության նախկին աշխատակից Ասել ու կրկին ասում եմ` Հայաստանում չի կարող լինել երկրորդ կառավարություն. Փաշինյան ԼՂ նախկին վերնախավը չի հրաժարվում թշնամական հարվածների փարոսիկի դերից. ՀՀ-ում մեկ կառավարություն կա «Գոյ» թատրոնը օկուպացված է, տարածքի կռիվ է. թատրոնի աշխատակից Հայաստանի Հանրապետությունում բացի ՀՀ կառավարությունից, որևէ այլ կառավարություն չի կարող գոյություն ունենալ. վարչապետ