Միխայիլ Միշուստինը Նիկոլ Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային և դաշնակցային բնույթը

Վարչապետ Նիկոլ Փաշինյանին Անկախության 29-րդ տարեդարձի առթիվ շնորհավորական ուղերձ է հղել Ռուսաստանի Դաշնության կառավարության նախագահ Միխայիլ Միշուստինը: Ուղերձում մասնավորապես ասվում է․

«Հարգելի Նիկոլ Վովայի,

Ռուսաստանի Դաշնության կառավարության և անձամբ իմ անունից շնորհավորում եմ Ձեզ Հայաստանի Հանրապետության ազգային տոնի` Անկախության օրվա առթիվ:

Կցանկանայի հատկապես նշել ռուս-հայկական հարաբերությունների բարեկամական, գործընկերային և դաշնակցային բնույթը: Համոզված եմ, որ առևտրատնտեսական և ներդրումային համագործակցության հետագա ամրապնդումը, էներգետիկ, արդյունաբերական և տրանսպորտային ենթակառուցվածքներում խոստումնալից համատեղ նախագծերի իրականացումը, Եվրասիական տնտեսական միությունում ինտեգրացիոն համագործակցության խորացումը լիովին համապատասխանում են Ռուսաստանի և Հայաստանի շահերին:

Մաղթում եմ Ձեզ, հարգելի Նիկոլ Վովայի, քաջառողջություն, բարեկեցություն և նոր հաջողություններ Ձեր պատասխանատու պետական գործունեության մեջ, իսկ Հայաստանի բոլոր քաղաքացիներին՝ երջանկություն և բարգավաճում»,- ասված է ՌԴ կառավարության նախագահ Միխայիլ Միշուստինի շնորհավորական ուղերձում։

Այս թեմայով ՌԴ–ն շահագրգռված է Հարավային Կովկասում խաղաղությամբ և կայունությամբ․ Միշուստին Միշուստինը հեռախոսազրույց է ունեցել Ադրբեջանի վարչապետի հետ ԵԱՏՄ-ի նկատմամբ վարչապետ Փաշինյանի մոտեցումը համապատասխանում է ՌԴ–ի շահերին. Միշուստին Միշուստինը հեռախոսազրույց է ունեցել Ադրբեջանի վարչապետի հետ «Ո՞նց ես»․ Միշուստինը հայերենով շփվում է հայ երեխայի հետ (տեսանյութ) Միշուստինը Կապանում ՌԴ հյուպատոսություն բացելու մասին հրամանագիր է ստորագրել Վերին Լարսի անցողիկ հզորությունները 7 անգամ ավելացել են. ՌԴ վարչապետ ՀՀ քաղաքացիները կկարողանան պարզեցված կարգով բանկային հաշիվներ բացել ՌԴ–ում Առանց լոգիստիկ նոր միջանցքների ստեղծման՝ Ռուսաստանի համար դժվար կլինի. Միշուստին Փաշինյանին տրված բոլոր խոստումները կատարվել են. Միշուստին