Varks.am-ը վերարտադրվում է. նոր ընկերություն, հին բաժնետերեր

Սեպտեմբերի 22-ին banks.am կայքը հրապարակեց՝ Հայաստանում հիմնադրվել է նոր վարկային կազմակերպություն «ՀԻՄԱ» ունիվերսալ վարկային կազմակերպություն անվանումով: Ներկայացվում էր տեղեկատվություն, որ նորաստեղծ վարկային կազմակերպությունը անջատվել է Մոգո վարկային կազմակերպությունից և իրականացնելու է կարճաժամկետ և արագ տրամադրվող վարկեր:

ԼՈՒՐԵՐ.com-ը կատարել է որոշ ուսումնասիրություններ, որի արդյունքում բացահայտվել են բավականին ուշագրավ փաստեր:

Մասնավորապես ՀՀ Կենտրոնական բանկի պաշտոնական կայքում հրապարակվել է «ՀԻՄԱ» ունիվերսալ վարկային կազմակերպության կանոնադրությունը, որի ուսումնասիրությունից պարզ է դառնում, որ կազմակերպության փաստացի բաժնետերեր են հանդիսանում Այգարս Քեսենֆելդսը և Մարիս Սթրոդսը:

Այնուհետ ուսումնասիրելով արդեն իսկ լիցենզիայից զրկված «ՎԱՐԿՍ ԷՅ ԷՄ» ունիվերսալ վարկային կազմակերպության պաշտոնական կայքում հրապարակված վերջինիս կանոնադրությունը պարզ է դառնում, որ «ՀԻՄԱ» ունիվերսալ վարկային կազմակերպության և լիցենզիայից զրկված և լուծարման գործընթացում գտնվող «ՎԱՐԿՍ ԷՅ ԷՄ» ունիվերսալ վարկային կազմակերպության բաժնետերերը և վերջին փաստացի բենեֆիցիար ը նույն անձինք են, ովքեր հանդիսանում են Լատվիայի Հանրապետության քաղաքացիներ:

Ստացվում է, որ «ՎԱՐԿՍ ԷՅ ԷՄ»-ը կրկին հայտնվում է շուկայում, սակայն անվանափոխված և շարունակելու է տրամադրել նույն վարկատեսակը, որը տրամադրում էր նախկինում: Իսկ ՀՀ Կենտրոնական բանկը տիրապետելով այս ողջ տեղեկատվությունը փաստացի անտեսել է նշված հանգամանքը և գրանցել է «ՀԻՄԱ» ունիվերսալ վարկային կազմակերպությանը: Եթե «ՎԱՐԿՍ ԷՅ ԷՄ»-ը իրականում ունեցել է խնդիրներ ՀՀ Կենտրոնական բանկի նորմատիվների պահպանման հետ կամ «ՎԱՐԿՍ ԷՅ ԷՄ»-ի կողմից տրամադրվող վարկերը տրամադրվել են չափազանց բարձ տոկոսադրույքներով, հարց է առաջանում, ինչո՞ւ է ՀՀ Կենտրոնական բանկը տրամադրում լիցենզիա մի ընկերության ում բաժնետերը հանդիսանում են նաև «ՎԱՐԿՍ ԷՅ ԷՄ»-ի բաժնետերեր: Զարմանալի չէ, որ ՀԻՄԱ» ունիվերսալ վարկային կազմակերպությունը իր երկու մասնաճյուղերից մեկը ընտրել է հենց Երևան քաղաքի Գարեգին Նժդեհի հրապարակում տեղակայված «ՎԱՐԿՍ ԷՅ ԷՄ»-ի նախկին մասնաճյուղի տարածքում: 

Բացի այդ ուշադրության է արժանի նաև այն հանգամանքը, որ ըստ Կենտրոնական բանկի պաշտոնական կայքի,  «ՀԻՄԱ» ունիվերսալ վարկային կազմակերպությունը գրանցվել է 27.03.2020թ-ին, այսինքն ՎԱՐԿՍ ԷՅ ԷՄ»-ին լիցենզիայից զրկելուց երկու օր անց: Ակնհայտ է, որ «ՀԻՄԱ» ունիվերսալ վարկային կազմակերպությունը գրանցելու համար փաթեթը ՀՀ Կենտրոնական բանկ է ներկայացվել շատ ավելի վաղ, քանի որ հնարավոր չէ 2 օրվա ընթացքում ստանալ բարդ ընթացակարգով տրամադրվող վարկային գործունեության իրականացման լիցենզիա:

Այնպես որ ՀՀ Կենտրոնական բանկի թեթև ձեռքով «ՎԱՐԿՍ ԷՅ ԷՄ»-ը կրկին հայտնվում է շուկայում և շարունակելու է տրամադրել վարկեր:

Այս թեմայով Ժողովուրդ, վաղը ժամը 1-ին էստեղից շարժվում ենք, հիմա գնացեք, մալինայով տաք թեյ խմեք. Սրբազան (տեսանյութ) Նիկոլը հիմա փորձում է օրակարգ շեղել, տարբեր թեզեր է դաշտ նետում, հերթական ստերը պատմում. Արթուր Վանեցյան Ադրբեջանցի զինծառայողները հիմա Կիրանց գյուղի մատույցներում են. Գառնիկ Դանիելյան ՀԻՄԱ․ Սրբազանի գլխավորած երթը նոր թափ է ստանում ՀԻՄԱ․ արցախցի երիտասարդները միացել են Սևանում երթին ՀԻՄԱ․ Կիրանցի ճանապարհը ոստիկանների կողմից դեռ փակված է մնում ՀԻՄԱ․ Արմեն Աշոտյանի գործով դատական նիստ Ժողովրդիս ծեծել, ջարդել եք, հիմա ո՞ր օրենքով չեք թողնում գնամ գյուղ. Բագրատ Սրբազանը` ոստիկանին ՀԻՄԱ․ դեպի Կիրանց մուտքը փակել են ուրալներով ՀԻՄԱ․ ԱԺ նիստ