Մեր տղաների մեջ առաջինը ընտրյալներն են զոհվում. ԵՊՀ պատմության ֆակուլտետում հարգանքի տուրք մատուցեցին Վահագն Թումասյանի հիշատակին (տեսանյութ)

Ադրբեջանական ագրեսիան հետ մղելու ընթացքում զոհված Վահագն Արամի Թումասյանը Աբովյան քաղաքից էր, 39 տարեկան, ունի 1 դուստր: Սովորում էր ԵՊՀ պատմության ֆակուլտետի մագիստրատուրայի 2-րդ կուրսում: 2008 թվականից իրեն նվիրել էր զինվորական գործին: Վահագնի ընկերները այսօր պատմության ֆակուլտետում հարգանքի տուրք մատուցեցին նրա հիշատակին:

Պատմության ֆակուլտետի դեկան Էդիկ Մինասյանը ԼՈՒՐԵՐ.com-ի հետ զրույցում նշեց, որ Վահագնը չափազանց հայրենասեր էր ու ընկերասեր. «Առանձնահատուկ բնավորության գծեր ուներ, շատ համեստ էր, անմիջական, քչախոս, սակայն գործողություններում՝ վճռական: Շատ նվիրված էր, պատրաստ էր կյանքը տալու հանուն ընկերների, դրական աուրա ստեղծող մարդ էր մեր Վահագնը»:

Մինասյանը վստահ է՝ Վահագնը ապագա փայլուն դիվանագետ էր լինելու, որովհետև տիրապետում էր բոլոր նրբություններին. «Դիվանագիտության պատմություն եմ դասավանդել իրեն, փայլուն թուրքերեն գիտեր, ու իր հետ զրուցելիս՝ զգում էիր, որ ազգային դիմագիծ ուներ: Որպես ուսանող շատ պարտաճանաչ էր, շատ համեստ, որոշել էր մագիստրատուրան ավարտելուց հետո խորանալ դիվանագիտության պատմության մեջ»:

«Վահագնը զգաց, որ ինքը առաջնագծում է պետք ու առանց մի վայրկյան վարանելու՝ գնաց»,- ընդգծում է դեկանը:

Պատմության ֆակուլտետի նախկին դեկան Հայկ Ավետիսյանը մեզ հետ զրույցում նշեց, որ Վահագնը հանգիստ բնավորություն ուներ, հավասարակշռված էր, միշտ իր աուրայի մեջ. «Վահագնը շատ յուրահատուկ ու տարբերվող էր, մարդ, որ իր ապրելաձևով օրինակ ծառայեց բոլորի համար: Մեր տղաների մեջ առաջինը ընտրյալներն են զոհվում, մեր զինվորները մեր գենոֆոնդն են»:

«Ես խոնարհվում եմ մեր զոհերի առաջ, իրենց արածը պիտի շարունակենք, վրեժ լուծենք, հումանիստական վերաբերմունքը պիտի վերանա, պիտի սատկացնենք թշնամուն»,- հուզված, սակայն վճռական ընդգծեց Ավետիսյանը:

«Մտադրություն ունենք Վահագնի անվան լսարան բացել. նրա հերոսությունների մասին միշտ կարելի է խոսել, մեր հերոսն արժանի է, որ բոլորն իմանան իր մասին»,- նշեց Վահագնի ընկերներից մեկը:

Արփինե Հակոբյան

Այս թեմայով Ադրբեջանն արդեն 30 տարի է՝ ՆԱՏՕ-ի գործընկերն է․ Կոլոմինա Ադրբեջանի և Թուրքիայի արտգործնախարարները հանդիպել են Ստեփանակերտի հերոսների պանթեոնն այլևս գոյություն չունի Արցախցիները պետք է վերադառնան Արցախ, առանց ադրբեջանցիների. Հայկ Բաբայան Հայաստանը մեր մայր հայրենիքն է, բայց մենք ուզում ենք վերադառնալ Արցախ, մեր տուն. ստեփանակերտցի կին ՈւՂԻՂ. Ի՞նչ խնդիրներ ունեն արցախցիներն այսօր, ինչպես ու ինչպիսի Արցախ կվերադառնա արցախցին՝ քննարկում Ադրբեջանը և Իրանը քննարկել են ռազմական համագործակցության զարգացման հեռանկարները Ադրբեջանը կմասնակցի Թուրքիայում կայանալիք զորավարժություններին Ադրբեջան է ժամանել Եվրոպական հանձնաժողովի հարևանության և բանակցությունների հարցերով գլխավոր տնօրենը ԵՄ-ն հանդես կգա Ադրբեջանում ականազերծման նոր նախաձեռնությամբ․ Միխալկով