«Փաստ». Էրդողանից դժգոհությունները խորանում են նաև իր երկրի ներսում

«Փաստ» օրաթերթը գրում է. «Շատ փորձագետների կարծիքով, Թուրքիայի նախագահ Էրդողանի՝ վերջին շրջանում առավել հիստերիկ ու ամբարտավան կեցվածքի պատճառներից մեկն էլ ներքին չափազանց անկայուն վիճակն է, որն օրեցօր ավելի է բարդանում: Նախ՝ թուրքական լրատվամիջոցների տարբեր տեղեկություններից պարզ է դառնում, որ այստեղ լուրջ ներքաղաքական բախումներ են սկսվել, որոնք սպառնում են առավել խորանալ. ինչպես ասում են՝ քաղաքական ուժերը պարզապես իրար «միս են ուտում»:

Մյուս կողմից՝ ըստ Թուրքիայից ստացվող տեղեկությունների, արդեն իսկ նկատելի են որոշակի ապրանքների կուտակում եւ լճացում, ինչը գործարար շրջանակների մեջ խուլ դժգոհություն է առաջացնում:

Շատ մեղմ ասած՝ Էրդողանից դժգոհ է նաեւ հասարակության մեծ մասը, քանզի շատերը գտնում են, որ նա Թուրքիան անընդհատ ներքաշում է տարբեր աշխարհաքաղաքական բարդ իրավիճակների ու հակամարտությունների մեջ, գումարած տնտեսության հետեւողական գահավիժումը:

Առայժմ այս դժգոհությունները մեծ ընդգրկում ու հրապարակայնություն չեն ստանում, սակայն միջազգային լրատվամիջոցներն արդեն արձանագրում են, որ միջազգային կառույցների եւ երկրների տնտեսական, քաղաքական ու ռազմական ճնշումներին զուգահեռ՝ Էրդողանի ու նրա վարչակազմի դեմ ներքին դժգոհությունները առարկայական «միս ու արյուն» կստանան»:

Այս թեմայով Թուրքիայում բյուզանդական վանքը վերածել են մզկիթի Ադրբեջանի և Թուրքիայի արտգործնախարարները հանդիպել են Էրդողանը հայտարարել է, թե Արևմուտքը «հարձակվելու է» Թուրքիայի վրա Էրդողանը բացատրել է՝ ինչու է դադարեցրել առևտուրն Իսրայելի հետ Ադրբեջանը կմասնակցի Թուրքիայում կայանալիք զորավարժություններին Թուրքիան դադարեցրել է առևտուրն Իսրայելի հետ ԱՄՆ-ը պատժամիջոցներ է սահմանել Թուրքիայում և Ադրբեջանում գործող ընկերությունների դեմ Թուրքիան որոշել է միանալ Արդարադատության միջազգային դատարանում Իսրայելի դեմ հայցին Ստամբուլում 210 ցուցարար է բերման ենթարկվել (տեսանյութ) Ռուսաստանի և Թուրքիայի միջև խորհրդակցություններ տեղի կունենան