Զոհված արցախցի Հայկը երազում էր Արցախի նախագահ դառնալ

Հայրենիքի համար իր կյանքը տված Հայկ Ղուլյանը 19 տարեկան էր, Արցախի Շեխեր գյուղից: Սովորում էր Երևանի պետական համալսարանի միջազգային հարաբերությունների ֆակուլտետում:

Իր տեսակով տարբերվող Հայկը ապագայի համար մեծ պլաններ էր կազմել. «Ամեն ինչ հաշվարկով էր անում, իր յուրաքանչյուր ասած խոսք ու գործ կյանքի էր կոչում: Բանակից զորացրվելուց հետո ցանկություն ուներ սովորել Գերմանիայում, հետո նաև ասում էր, որ ուզում է դառնալ Արցախի նախագահ, իսկ մեզ էլ խոստանում էր պաշտոններ տալ»,- ԼՈՒՐԵՐ.com-ին պատմեց Հայկի համակուրսեցի Մանե Ստեփանյանը:

Ըստ կուրսընկերուհու՝ բոլոր դասախոսները ճանաչում էին Հայկին, որովհետև շատ ակտիվ էր ու ճարպիկ, բայց միևնույն ժամանակ համեստ:

«Շատ հումորով էր Հայկը: Մի անգամ երկուսս ուշացել էինք դասից, լսարան մտնելուց առաջ ասաց՝ դու բան չխոսես, ես կասեմ: Մտանք լսարան, դասախոսը բարկացավ մեզ վրա, Հայկն ասաց՝ ընկեր Խաչատրյան, բա չիմացաք ինչ ա եղել, մետրոյի տակ եմ ընկել, հազիվ եմ փրկվել, Սյուզին էլ վկա»,-կուրսընկերոջ արկածների մասին պատմեց Սյուզի Գրիգորյանը:

Հայկն ուզում էր «Շեխեր» գինին այնքան հայտնի դարձնել, որ ամբողջ աշխարհն իմանա ամենահամեղ ու ամենամաքուր գինու մասին: Հայկը գերազանց էր սովորում, իսկ կուրսընկերներին միշտ ասել է, որ կյանքում պետք է վստահ լինել ու երբեք չվախենալ:

Կուրսընկերներն ասում են՝ Հայկը բանակից վերադառնալու օրերն էր հաշվում, իսկ վերջին անգամ քրոջ հետ խոսելիս ասել է, որ շուտով վերադառնալու է:

Արփինե Հակոբյան

Այս թեմայով Զոհված հերոս Մխիթար Գալեյանի ընտանիքը կանգնած է Սրբազանի կողքին (տեսանյութ) Բաքվում բացվել է «Արևմտյան Ադրբեջան հեռուստատեսության» շենքը․ Monument Watch-ը ահազանգում է Պիտի կտրես այն ձեռքը, որ ստորագրել է՝ Արցախն Ադրբեջան է. Տեր Հովհաննես (տեսանյութ) Մենք հայրենիք ունենք փրկելու. գոյության խնդիր է արդեն. Արցախում նահատակված Հայկազ Մկրտչյանի մայր (տեսանյութ) Զոհված հերոսի մոր կոչը հանրությանը Ռուսաստանը ցանկանում է իր սահմանապահներին տեղակայել Հայաստան-Ադրբեջան սահմանին. Թոմաս դը Վաալ Այս երթը մեզ տալու է երկու բան՝ պատիվ և հայրենիք․ Բագրատ Սրբազան (տեսանյութ) Այս շարժումը հայրենիք ունեցողներինն է՝ զերծ որևէ գույնից ու կողմից, սա գողացված ուրախության շրջան է Ադրբեջանում երկրաշարժ է տեղի ունեցել Բաքվի թիրախում օկուպացված Արցախի Ս․ Ստեփանոս եկեղեցին է․ ներկայացնում են որպես մզկիթ