Կոռուպցիայի դեմ պայքարի նոր իմիտացիա՝ հարկատուների գրպանի հաշվին

Կառավարությունը այսօր ընդունեց օրենքի նախագիծ , որով նախատեսվում է ստեղծել հակակոռուպցիոն կոմիտե: Օրենքի նախագծով կարգավորում է Հակակոռուպցիոն կոմիտեի՝ որպես քննչական մարմնի, լիազորությունները, համակարգը և կառուցվածքը, կազմավորման, գործունեության, պաշտոն զբաղեցնելու կարգը և պայմանները, պաշտոնների ու դասային աստիճանների դասակարգումը, ծառայողների իրավունքները, պարտականությունները և պատասխանատվությունը, իրավական ու սոցիալական երաշխիքները և պաշտոնավարման հետ կապված մյուս հարաբերությունները: Հակակոռուպցիոն կոմիտեի նախագահը յուրաքանչյուր տարի` մինչև հունվարի 31-ը, Կառավարություն և Ազգային ժողով է ներկայացնում նախորդ տարվա գործունեության մասին գրավոր հաղորդում: Կոմիտեի ֆինանսավորումն իրականացվում է պետական բյուջեով նախատեսված միջոցների հաշվին: Հակակոռուպցիոն կոմիտեի ծառայողը չի կարող լինել որևէ կուսակցության անդամ կամ այլ կերպ զբաղվել քաղաքական գործունեությամբ:

Մեկ տարի առաջ կառավարության նախաձեռնությամբ ձևավորվեց մեկ այլ մարմին՝ կոռուպցիայի կանխարգելման հանձնաժողովը, որի գործունեության անոնսը նույնպես տպավորիչ էր: Սակայն, անոնսով էլ ամեն բան ավարտվեց: Քանի՞ պաշտոնյայի այս ընթացքում հանձնաժողովը բռնացրեց կոռուպցիոն ռիսկերի վրա: Ոչ մեկին: Եվ հարց է առաջանում` եթե դաշտում բոլորը այդքան սուրբ են և մաքուր՝ ո՞րն է իմաստը ստեղծել նմանատիպ նոր կառույց: 

Չնայած, արադարության համար նշենք, որ հանձնաժողովը մեկ տարվա մեջ իրեն չի արադարացրել միայն կոռուպցիայի դեմ ակտիվ պայքար ակնկալող հպարտ քաղաքացիների տեսանկյունից: Իսկ իշխանությունները դժգոհելու առիթ չունեն: Արսեն Թորոսյանի, Հայկ Մարությանի և մյուս ՔՊ-ականների դեմ հարուցած վարույթները ասվածի վառ վկայությունն են: Երկարատև քննությունից հետո հանձնաժողովը որևէ խախտում այս պաշտոնյաների գործողությունների մեջ չի տեսել: Փոխարենը` արդեն քանի ամիս է` հանձնաժողովը իր սուրբ պարտքն է համարում կեղտ գտնել ԱԺ-ում մեծությամբ երկրորդ ընդդիմադիր ուժի ղեկավարի վրա, այն էլ ապարդյուն: Միթե՞ դրա համար էր ստեղծվել և հարկատուների հաշվին աշխատում այս հանձնաժողովը, որին շատ փորձագետներ ուղղակիորեն այս ընթացքում մեղադրում էին քաղաքական իշխանությունների պատվերը կատարելու մեջ:

Բյուջեի փողերով այժմ էլ ստեղծվում է նոր կառույց, միայն` այլ անվանումով, որպեսզի իշխանությունները էլ ավելի լծվեն կոռուպցիայի դեմ պայքարի իմիտիացի ստեղծելու գործին: Կասկած անգամ չկա, որ այս պարագայում նորաստեղծ կառույցը իր «արդյունավետությամբ» ոչնչով չի զիջելու կոռուպցիայի կանխարգելման հանձնաժողովին:

Այս թեմայով Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ) Որո՞նք են երաշխիքները, որ 4 գյուղերն ստանալուց հետո Ադրբեջանը նոր պահանջներ չի ներկայացնի. հարց՝ Փաշինյանին (տեսանյութ) Փաշինյանը ներկայացրել է՝ ինչ փուլերով են անցկացվելու սահմանազատման գործընթացի քայլերը (տեսանյութ)