Օծանելիքի խանութից գողություն կատարած անձանցից մեկը սպառնացել է պայթեցնել իրեն (տեսանյութ)

Դեկտեմբերի 3-ին՝ ժամը 6-ի սահմաններում, ոստիկանություն զանգած քաղաքացին հայտնել էր, որ Սայաթ-Նովայի պողոտայի օծանելիքի խանութ-սրահներից մեկը թալանել են։

Ոստիկանության Կենտրոնական բաժնի օպերատիվ խումբը դեպքի վայրում արձանագրել էր, որ ժամը 05:47-ին մի քանի հոգի կոտրել են խանութ-սրահի դռան ապակին, մտել ներս ու հափշտակել շուրջ 13 միլիոն դրամի օծանելիք։

Ահազանգից ժամեր անց ոստիկանության Կենտրոնական բաժնի քրեական հետախույզները մայրաքաղաքի Գոգոլի փողոցում հայտնաբերել էին կասկածյալի մեքենան: Մեքենային փակցված էր գողացված համարանիշ, իսկ տարբերանշանը ծածկած էր։

Ոստիկանության ծառայողները հետապնդել են մեքենան և վերցրել շրջափակման մեջ։ Շրջափակման մեջ հայտնվելուց հետո փախուստի դիմած անձն իջել է մեքենայից և դիմել փախուստի։ Ոստիկանները շարունակել են հետևել կասկածյալին: Սարալանջի փողոցում նա սպառնացել է, որ դանակով ինքնավնասում կանի։ Նրան հաջողվել է ուժի գործադրմամբ վնասազերծել, վերցնել դանակը, ատրճանակը և բերման ենթարկել։ Մայրաքաղաքի 28-ամյա բնակիչը ձերբակալվել է։ Ոստիկանները նրա մոտից առգրավել են ատրճանակ ու դանակ, իսկ մեքենայում հայտնաբերվել է գողոնի մի մասը։

Ոստիկանները շարունակել են միջոցառումները հանցագործությունը կատարած մյուս անձանց հայտնաբերելու ուղղությամբ։ Տեղեկություններ են ստացվել, որ երեկոյան նրանք լինելու են Զավարյան փողոցում։

Բերման ենթարկելու ընթացքում նրանցից մեկը դուրս է հանել գրպանից մարտական նռնակ և սպառնացել, որ կպայթեցնի բոլորին։ Սկսել են բանակցել նշված անձի հետ, ստեղծվել է հարմար պահ, և ուժի գործադրմամբ նրա ձեռքից վերցրել են նռնակը: 

Զավարյան փողոցից գողություն կատարելու կասկածանքով ոստիկանություն բերման են ենթարկվել Երևանի 18, 20 և 23-ամյա բնակիչներ իրենց վարած մեքենայով հանդերձ։

Բաժնում պարզվել է նաև, որ բերման ենթարկվածները նույն ընկերության մյուս խանութ-սրահից և այլ տեղերից կատարել են մի շարք գողություններ։

Գողության և իշխանության ներկայացուցչի նկատմամբ բռնություն գործադրելու հատկանիշներով հարուցվել է քրեական գործ։

Երևանի 20-ամյա և 28-ամյա բնակիչները ձերբակալված են։ Հարուցված քրեական գործի քննությունը շարունակվում է։

Այս թեմայով Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) Կոտայքում աշխատակիցը գաղտնի մուտք է գործել հանքավայր և հափշտակել մի քանի մլն դրամի ոսկու հանքանյութ Ավազի մեջ հայտնաբերվել է «Porsche Cayenne»-ը, որով երեկ հափշտակել էին 36 կգ ոսկի, 293 մլն ռուբլի Երևանում թալանել են «Զիգզագ» խանութը. հափշտակել են 5 մլն 500 հազար դրամի բջջային հեռախոս Երևանի համայնքներից մեկի նախկին ղեկավարը հափշտակել է համայնքապատկան մանկապարտեզը Ձեռնափայտով հարվածել էր 91-ամյա հորը, ապա գրպանից փող էր հափշտակել Պռոշյանում բնակվող անձին, չորս որդիներին, նրանցից մեկի կնոջը հարվածներ են հասցրել, հափշտակել ոսկե վզնոցներ ու խաչ Զինված հարձակում՝ Արթիկում. հնչել են կրակոցներ, հափշտակել են 85 հազար դոլարի զարդեր. կա վիրավոր Տղամարդը սեքսուալ բնույթի բռնի գործողություններ է կատարել երիտասարդ աղջկա նկատմամբ, հափշտակել նրա պայուսակը Երևանում թալանել են գեներալ-մայորին պատկանող հյուրանոց, հափշտակել են մի քանի մլն դրամ․ Shamshyan