«Քյասիբ հեղափոխականների» 2020-ը. ՔՊ-ականների ախորժակը բացվե՞լ է

2019թ. մինչ օրս պետական տարբեր կառույցներում անհասկանալի պարբերականությամբ վճարվող պարգևավճարների մարաթոն է սկսվել։ Պարգևավճարներն այնքան շատ են ու այնքան համատարած, որ մարդիկ արդեն նույնիսկ կորցրել են հաշիվը։ Պաշտոնական պարզաբանումներից ակնհայտ է դառնում, որ պարգևավճարները տրամադրվում են յուրաքանչյուր ամիս, փաստորեն, հավասարեցվելով աշխատավարձի արհեստական բարձրացմանը։ 

Վարչապետի աշխատակազմում 2020 թվականի առաջին եռամսյակի ընթացքում վճարված պարգևավճարի ընդհանուր գումարը կազմել է 22.292.800 ՀՀ դրամ, որը համարժեք է շուրջ 46.000 ԱՄՆ դոլարին։ 

Սփյուռքի գործերի գլխավոր հանձնակատար Զարեհ Սինանյանը պաշտոնն ստանձնելուց անմիջապես հետո սկսել է պարգևատրումներ ստանալ՝ ընդհանուր առմամբ 11 անգամ: 2020 թվականի առաջին կիսամյակում Զարեհ Սինանյանը պարգևատրվել 4 անգամ, որի ընդհանուր գումարը կազմել է 2.738.000 դրամ։

ԱԺ-ում 2020 թվականի փետրվարից մինչ 2020 թվականի օգոստոս պարգևատրումների ընդհանուր գումարի չափը կազմել է 82.244.830 դրամ: Օրեր առաջ էլ տեղեկություն տարածվեց , որ ԱԺ աշխատակազմի աշխատակիցներին կրկին պարգեւավճար է տրվել, ընդ որում՝ աշխատավարձի 100%-ի չափով: 

Պարգևավճարները առատորեն բաժանվել են նաև պատերազմի օրերին; ՀՀ աշխատանքի եւ սոցիալական հարցերի նախկին նախարար Զարուհի Բաթոյանը սեպտեմբեր ամսին ստացել է 603 հազար 198 դրամ աշխատավարձ եւ 962 հազար 305 դրամ պարգեւավճար:

Տիգրան Ավինյանի որոշմամբ՝ իր գրասենյակի աշխատողները հոկտեմբերին պարգևավճար են ստացել: 

Պարգևավճարների ֆոնդից հունվար և փետրվար ամիսներին Երևանի քաղաքապետարանում բաժանվել է 29,017,001 դրամի չափով պարգևավճար: 2020-ի երկրորդ եռամսյակում ընդհանուր պարգեւատրման ֆոնդը կազմել է 47,053,217 դրամ: Ընդհանուր առմամբ, 2020 թվականին Երեւանի քաղաքապետարանի պարգեւավճարների ֆոնդը կազմում է 1 մլրդ 900 մլն դրամ: 

ՊԵԿ-ում 2020-ի համար 5 մլրդ դրամից ավելի պարգևավճարի ֆոնդ է նախատեսված. ՀՀ պետական եկամուտների կոմիտեի աշխատակիցները 2020 թվականի սեպտեմբեր և հոկտեմբեր ամիսներին պարգևատրվել են մեկ անգամ` սեպտեմբեր ամսվա համար, որը կազմել է 496,198.0 հազար դրամ (ավելի քան 1 միլիոն դոլար): Պարգևատրումն իրականացվել է աշխատակցի անմիջական ղեկավարի կողմից տրված գնահատականի հիման վրա: 

ՀՀ էկոնոմիկայի նախարարության ամբողջ աշխատակազմին 2020 թվականի նոյեմբեր ամսվա համար վճարվել է 49.175.367 դրամ պարգևատրում:

 Ֆիննախում 73 մլն 105 հազար դրամ պարգևավճար են ստացել պատերազմի թեժ օրերին: 

Պետական վերահսկողական ծառայությունում 2020 թվականի հունվարից մինչ օրս պարգևատրվել է յուրաքանչյուր ամիս 87-105 աշխատակից, պարգևատրումների ընդհանուր գումարի չափը կազմում է 123 մլն 115 հազար ՀՀ դրամ: 

Արտաքին գործերի նախարարությունում նոյեմբեր ամսվա համար 250 աշխատակիցներ ստացել են պարգևավճար իրենց պաշտոնային դրույքաչափի 10-50%-ի չափով, ընդհանուր՝ 17.563.553 դրամ, որը համարժեք է շուրջ 35.000 ԱՄՆ դոլարին։ Իսկ ԱԳ նորանշանակ նախարար Արա Այվազյանը, նախարարի տեղակալները և գլխավոր քարտուղարը նոյեմբեր ամսվա համար ստացել են հավելավճար, ընդհանուր՝ 2.165.208 դրամի չափով։ 

2020 թվականի առաջին եռամսյակի ընթացքում ՀՀ քննչական կոմիտեի աշխատակիցներին վճարված պարգևավճարների ընդհանուր չափը կազմել է 353.876.200 դրամ (ներառյալ հարկերը), որը համարժեք է շուրջ 730.000 ԱՄՆ դոլարին։ Իսկ ամսական պարգևավճարի չափը նախատեսված է 120.950.000 դրամ (ներառյալ հարկերը), որը համարժեք է շուրջ 250.000 ԱՄՆ դոլարին։ ՀՀ քննչական կոմիտեի աշխատակիցների ընդհանուր քանակը, ըստ հաստիքացուցակի, կազմում է 1088 աշխատակից: 

2021 թվականի պետական բյուջեով պարգևատրումների համար նախատեսված է 18 միլիարդ 825 միլիոն դրամ՝ չհաշված քաղծառայողների համար նախատեսվածը, իսկ այս ցուցանիշը 21 և ավելի տոկոսով գերազանցում է նախորդ տարվան։ Սա այն ամենն է, ինչ պետք է իմանալ հեղափոխական իշխանությունների՝ ժողովրդի մասին մտահոգվելու աստիճանի մասին… 

Այս թեմայով Տարածքներ հանձնելը պետության դեմ ծանրագույն  հանցագործություններ են․ «Հայաստան» խմբակցություն Ավինյանի լիազորությունների ապօրինի ստանձնման հարցը հայտնվել է ՀՀ վերաքննիչ դատարանում. «Մայր Հայաստան» խմբակցություն Տիգրան Ավինյանի կացնային որոշումը. հոնքը սարքելու փոխարեն՝ աչքը հանել. «Մայր Հայաստան» խմբակցություն Բռնարարք կատարած որևէ բերետավոր առ այսօր չի ենթարկվել պատասխանատվության․ «Հայաստան» խմբակցություն Հռոմի ստատուտի ներկայացված ընթացակարգով վավերացումը հակասահմանադրական է. «Հայաստան» խմբակցություն Այս պահի դրությամբ որևէ խմբակցություն ՀՀ ՄԻՊ-ի թեկնածու չի առաջադրել․ Թագուհի Թովմասյան Նման ողբերգական դեպքը հերթական անգամ ապացուցեց իշխանության քաղաքական պատասխանատվության բացակայությունը․ «Հայաստան» «Վերածնվող Հայաստան» կուսակցության մեր գործընկերների հետ ունեցել ենք անկեղծ քննարկում, տեղյակ ենք եղել որոշումից. «Հայաստան» խմբակցություն «Հրապարակ». «Հայաստան» խմբակցությունն արտահերթ նիստ է նախաձեռնում «Հայաստան» խմբակցությունը վերջնական որոշում չունի խորհրդարան վերադառնալու վերաբերյալ. News.am